Наша Народна Лемковска Співанка — 'Лемко от Прадіда'

ГОРЫ КАРПАТЫ

Gori
Горы нашы, горы нашы,
Вы зелены Карпаты,
Никто не знат, никто не знат,
Кельо вы у нас вартате!

В давны часы предкы нашы
Карпаты засвоили,
Застали там лем цілины,
Нам добробыт лишили.

Отцы, діды и прадіды
Церкви, школы строили,
Заселили Лемковину,
Там культуру створили.

Долгы вікы вражы крукы
Хотят нас присвоити,
Землю нашу, родне слово,
Нам культуру знищити.

Не даме вас, не даме вас,
Горы нашы Бескиды,
Бо вас дати не казали
Нашы діды-прадіды!


Лемко от Прадіда

Divider

НАШЫ РОДНЫ БЕСКИДЫ

Нова народна лемковска пісня с нотами

Beskids
Заквитали на Бескидах сады, як калина,
Не така, як давно, была, родна Лемковина.
Бо побіда на Бескидах за народну волю
Приманила лемкам здраду, народну неволю.
Жаль и тугу мы носиме за нашу краину,
Бо зранили в саме сердце родну Лемковину.
Польска влада нам русинам судьбу вырішила,
На выгнание лемкам долю силом накинула.
Пришол приказ с Ясной Гуры, як шаркан с Маугы:
Зберайтеся пречь, “русіны”, гын вдаль на Мазуры!.
Таж мы за тя, родный краю, в борьбі кровь проляли.
Но за нашу вірну дружбу, неволю нам дали.
Зруйнували нашы села, законы створили,
Заборону на поворот лемкам поставили.
Остали лем в гробах кости борцев за свободу,
Яку паны зрабували нашому народу.
Ой ты люба земля наша, ты нам родна мати,
Днесь за твою горьку судьбу мусиме плакати.
Предкы землю на Бескидах нам в спадку предали,
За нияку ціну в світі дати не казали!
Ой ты люба Лемковина, наш родимый краю,
Чом так долго нам чекати? Свободы не дают!

Пісню и мелодию уложил Лемко от Прадіда.



[BACK]