Green67
(ЛЕМКОВСКА НАРОДНА СПІВАНКА).


През зелене житко вода тече,
Што-ж мні моя мила,
Моя наймиленьша на то рече?

Хоц бы она рекла, не боюся,
Гусаре вербуют,
Хлопцы машеруют, звербуюся.

Ище кошуленька не выпрана,
А уж моя мила,
Моя наймиленьша, отобрана.

Кто мі єй отобрал, най сой єй мат,
Най сой єй предомном,
Най сой єй предомном, не обнимат.

Най сой єй обнимат, але в ночы,
Жебы не виділи,
Жебы не виділи мои очы.

Бо як єй увидят мои очы,
Будут они плакац,
Я буду жалувац в день и з ночы.




[BACK]