Юстина Халопий, Гибискус Парк, Фла.
Подорожь на Чужину — Юстина Халопий
Як я ишла в Америку с пакунками,
Заплакала моя мама слезоньками,
Вложила мі до тлумачка красну ружу,
Выправила на чужину на волю Божу.
Не плачь мамо старенькая, не смуттеся,
Пришлю я вам два доляры, потішитеся.
В мене дуляр з Америкы ни почому,
Лем вернися, моя дівко, скоро до дому.
А я мамі листа скоро отписала,
Же не верну уж до дому, бо я ся выдала.
Мама листа написала, и так мі говорит:
Най Вас, діточкы, Господь благословит!
Теперь я ся тішу, буду мала зятя,
Не забудьте мене, бо я ваша мати.
Памятайте завсе за свой край — родину,
Где вы нас лишили, пошли на чужину.

* * *

Пише до мня сестра просьбу превелику:
“Змилуйся надо мном, воз мя в Америку”.
Ой сестричко моя, не давай мі жалю.
Теперь в Америку с краю не пущают.
“Ой сестричко родна, то дай даку раду,
Як не в Америку, та хоц бы в Канаду.
Буду Тобі за то рукы ціловати,
За шифкарту буду тяжко отробляти”.
Я ся зажалила, шифкарту выслала,
А як сестра пришла, скоро ся выдала.
Коли ся выдала, з роботы зостала,
Тай моя шифкарта на вікы пропала.



[BACK]