ВАСИЛЬ ФЕДАК
Талергофский День в Лемко-Резорті 1-Го Августа 1965 Года

Американска Русь и члены Лемко-Союза начали первы служения на вічну память мученикам, котры отдали свой живот лем за то, што не змінили свойой отцовской віры православной и русской народности. Они были за то мучены в таборах смерти, с котрых многы николи не вернули. То был табор смерти в Талергофі, Терезині и другых такых містах, где погинуло тысячы нашой интеллигенции, священства и газдов-хліборобов.

Коли Лемко-Союз покупил свою народну здравницу Лемка-Парк, то в той народной здравници началися громадны празденства в память тых мучеников каждого року в перву неділю августа. Перше богослужение было августа 7, 1960 года, и от того часу служится Божественна литургия и парастасы за упокой их душ, и вічне воспоминание нашой карпаторусской народной трагєдии каждого року.

На нашой Американской Руси истнує митрополия, котром управлял митрополит Туркевич, теперь уже покойный, так само диоцезия Московской Патриаршой Церкви, а тоже и диоцезия Карпаторусска, котром управлят владыка Чорняк. Зо всіх тых диоцезий уж служили в Лемко-Парку, як о. прот. Михаил Чанда из Байонн, епископ Досифей из Нью Йорка и Вениямин с Едмонтон в Канаді, о. прот. Бурдыков, о. прот. Й. Гавриляк из Пассайку, о. Мерена из Бруклина и о. Матолич. А на тот раз комитет запросил Преосв. Владыку Карпаторусской Церкви Мефодия, котрый прибыл в Америку до помочы владыкі Чорняку.

Минувшого року выпала дата Дня Талергофа на 1 августа. Владыка Мефодий изволил служити Божественну архиер. Литургию, в котрой му послужили о. прот, Петро Галькович из Менвилл, Н. Дж., прот. о. Стефан Сидор из Перт Амбой, Н. Дж., прот. о. Иван Землян из Тейлор, Па., и о. Илья Козар из Юнкерс, Н. Й.

Литургия мала служитися на платформі в лоні природы, а потом шествие ку Памятнику Тадергофа, где отслуженый бы был парастас.

Но так, як погода угрожала дожджом, то литургия служилася в гали им. Д-ра С. Пыжа.

Коли владыка явился у порога гали, то он был привитаный хлібом и солыо єдным из старшых обывателей Парка, и от имени Лемко-Союза ч. 80. Кромі хліба и соли он привитал владыку горячыми приятельскыми словами, за што владыка поблагодарил и процессия рушила в середу гали, где ся начала Божественна Литургия.

Послі прочитания Евангелия владыка Мефодий выголосил бесіду, котру народ назвал златоустном. В той проповіди он вспомнул, што о. Максим Саидович был першом жертвом мученика из священства, котрый был росстріляный в Горлицях на подворци тюрьмы, и коли його грудь прошили дві кулі, он склонил свою голову и провозгласил свои послідны слова: “Да живет русский народ и святое православие”. Хоц они убили отца М. Саидовича, заявил владыка, но зато не убили русский народ ни православие!

Дальше владыка Мефодий продолжал так:

Дорогы братья и сестры, представте собі, сколько наш русский народ натерпілся, сколько он перенес горя от німецкых и мадьярскых фашистов, сколько было замучено в Талергофі и Терезині. Тысячы русскых мужей гинуло, а за што? Може даякы преступления? Но, ніт, за тс только, што они родилися русскими!

Дорогы братья и сестры, то мы зпаме, што наша православна віра пришла из Києва, где св. Андрей Первозванный апостол голосил віру Христову. Та мы знаме, што шеста часть Земли єст заселена русскым православным народом, то и наша повинность єст ся тримати воєдино. Лемкы и Подкарпатска Русь, мы ся должны тримати воєдино!

Коли владыка Мефодий провозносил свою проповідь, там на місци находилася близка родина о. М. Саидовича, котры горестно прослезилися. а с ними и всі присутны, бо каждому пришли на мысль страшны годины смерти, котры перенесли нашы отцы, братья и сестры лем за свою народность и віру. Много ище владыка Мефодий говорил о нашом народі и його єдинстві, но я тут не можу всього спамятати и написати, но треба правду признати, што то была проповідь златоустна, котрой присутны николи не забудут, и каждый, кто там не был, пропустил великий момент свого житья.

Я чувствую, што наш народ в Америкі останеся глубоко вдячным Владыкі Мефодию и прийме глубоко до сердца и душы и буде молити для многая и благая літ. Дай Боже почути його слов каждому, кто жажде єдинства русскому народу.




[BACK]