Наш Лемко-Резорт

До материальных доробков, котрыма гордится и буде гордитися наша невелика в Америкі емиграция, без условно буде належати наш Лемко Резорт. До того часу мы гордимеся нашым Карпаторусскым Центром, народными домами Лемко-Союза но в остатных ророках, наша гордость поднялася выще, коли в 1959 року остал задаткуваный тзв. Лемко Парк, и коли нашы невыпрактыкованы в ведению такых діл рукы начали вести першу нашу господарку.

Лемко Парк, минувшого року, по практычных причинах, был наименованый на Лемко-Резорт, но перше його имя вбилося так в память и в душу нашого народа, што хоц бы як його официяльно переименовати, для него он остане Лемко-Парком. Был то тяжкый початковый труд связаный зо старунками и роботом, не лем для самой директории Парка, але и для всіх тых, котры помагали, штобы привести го до лучшого стану, зробити го больше притягаючым до сесебе, нашым, по характеру народным. И подобно, як Карпаторусский Центер Лемко-Резорт уж вошол в нашу историю но ище лем в початкову стадию, бо перед ним єст велика задача. Он должен стати центром многых потреб нашого народного житья.

Лемко-Резорт основаный подобно, як кооператив — на уділах, шерах. Лем два тысячи шеров, согласно його Устава он може продати, и выпродал. В теперішный момент, можна лем откупити от дакого шер, або купити в директории, але лем тогды, єсли дакто отпродаст свой шер. Так за шерами днеска люде ждут, як на американску квоту, дакотры по рокови и больше. Такых имен на листі єст близко дві соткы. Уж тот сам факт свідчыт о популярности Лемко-Резорта, бо шеров никто не хоче позбытися, хыбаль на примусовый выпадок.

От часу покупкы нами Лемко-Резорта минуло 6 роков. Взяло то дост роботы и самой директории и доброохотных людей помочи, поправити дахы на четырьох домах, переробити стодолу на галю, поправити внутрі всі домы, прочистити тымчасово купальне озеро, прорубати пущу, котра приближалася ку домам, повалити столітны дерева, котры угрожали падением на будовы, поправити дорогу, а кромі того треба было наглитися с штодневныма роботами, як кошиня десятков акров лук в літі, и прогортания снігу в зимі, а при том удержати в чистоті и полной готовности реставрант, приготовити ночлегы для несподіванных гостей и вакационеров. А кромі того множество другой роботы.

А уж ніт што вспоминати о такых громадных двох торжествах, як Русаля и Талергофский День, на котрый приходит близко двадша молодежь пришла и подперла своим плечом велику часть тягадичов и пішли своими путями. Мы с практикы в Лемко-Союзі можеме ру, и лем при помочи єй мы могли шдти вперед в том великом предцет автобусов и 700 до 800 автомобильов. Кромі того сут ище другы меньшы дни, як День Лемковской Молодежы и Карпаторусский День. Каждый може собі представити то, сколько то треба мати знания и енергии, штобы приготовити то всьо и дозріти, штобы всі сімдесят, осемдесят або и деветдесят людей занятых в такы дни для обслугы были на своих місцях и мали што им потребне.

А тоты роботы не меньшаются, их прибыват больше и ище буде прибывати. Той роботы уж прибыло минувшего літа, бо кромі высше наведеных робот, было построєне модерне купальне озеро, где додатковых роботников потребно поставити. А до того нове озеро притягнуло до себе молодежь и діти, а с дітми мусят придти и родиче, бо гдеж им инде идти. То запричинило и натиск на вакациях. По причині того озера минувшого літа на вакации вам трудно было наняти комнату. А то предвіщат, што Лемко-Резорт стоит перед новом проблемом — будовати больше приміщений.

Другым важным притягающым до Лемко-Резорта буде Памятник Талергофа, коли буде оконченый и осадженый цвітниками и рослинами. Там на подворци Памятника старшы будут мати можность в тишині посідити, побесідувати друг с другом, почитати книжку, ци газету. Правда, што Памятник будуєся за отдельный фонд, из жертв народа на тоту ціль, но он буде центральным місцем надумы и воодушевления на неизвістных дальшых путях нашого житья и житья нашых поколіний.

Але важно, штобы на досягнутых успіхах не остановлятися, а розвивати красоту и богатство Резорта до высшых мір, штобы найти місце для старшых на постоянне житья и для молодежы, котра кромі свойой веселости в часі вакаций мала бы случайность учитися русского языка, бо такой молодой и ученой интеллигенции нам потребно для великых завітных цілей — родинной теплой связи с нашыми братьями за морьом, бо час для такых связей неминучо приде. До того веде наука и прогресс.

Слідує дати велику признательность членам Фармерского Комитета Лемко-Союза, котры роками глядали и нашли тото місце для нас, выторгували и подписали акт покупкы. Слідує дати признательность тым всім зо старшой емиграции, котры словом и трудом причинилися в початках и трудятся до днеска для той ціли, котром всі гордимеся. Но не треба забыти, што без помочи нашой молодежы, нам трудно было бы утримати и повести діла Лемко-Резорта вперед. Мы счастливы, што нариятию. Сут люде, котры нарікают на свои діти, же полишали ротвердо, опершыся на факты, заявити, што не вшитка така страчена молодежь. Тота молодежь, што в Лемко-Резорті не страчена и мы гордимеся ньом. До послідных дней нашого дыхания нам треба єй помагати, учити єй того, чого она не достала в американскых школах, запалити в ней искру любви до свого народа, до його звычайов и обычайов, до його культуры и до того місця, откаль походят єй предкы. Длятого мы не мушены открывати для ней специальны школы и стати учителями. С малых приміров она порозуміє нас и легко перейме не лем нашы материальны, але и культурно-душевны доробкы, для котрых мы в Лемко-Союзі уж разом до спілкы здобываме.


LemkoPark
Талергофский Памятник в Лемко-Резорті, в Монро, Н. Й.



[BACK]