ТЕОДОР ВАС. ДУФАНЕЦ
Півцы Правды, Свободы и Справедливости — Теодор Дуфанец
ИСТОРИЧНЫ ВСПОМИНЫ

Прокопникы русской идеи в Карпатах с 1918 року.

ШТО ДАЛА ЛЕМКОВЩИНА В ПЕРВЫХ ГОДАХ
ЧЕХОСЛОВАКИИ

В первой половині XІX столітня мало было извістно в восточной части Галичны о русском народі на Лемковщині. Лем в другой половині XІX столітия появился прилив нашых лемков в восточну часть Галичины, а именно в сердны школы, а поміщены в бурсу Народного Дома и в бурсу Ставропигийского Института. Молодежь средных учреждений с великом радостью и симпатиом приняла своих єдномыслящых коллег и наслаждалося лемковскым нарічием словом “лем”. Нашы русскы лемкы посіщали польскы гимназии в Сяноку, Горлицах и в Новом Санчу зато, што русскых гимназий там не было, а воспитувалися в бурсах, котры устроювали уроженцы Лемковщины. Украинцов, то єст сеператистов на Лемковщині не было. Они появилися аж о дасколько роков перед войном зато, што перемышльска консистория назначала священников пересякнутых украинскым сеператизмом.

Больше внимание произвел переход на православие села Граб и другых сел, котрым заинтересувалася Восточна Галичина, а тоже и Россия.

В 1909 году поіздка Галицко-русской делегации в Москву и Петроград на Гоголевскы юбилейны торжества, на котром официально принимал участь сын Лемковщины, гимназист ѴІІ класса Иван Андреєвич Кулявчик, уроженец села Ольховец, на Лемковщині, сын селянина, тоды воспитанник бурсы Ставропигийского Института во Львові.

Перемышльска консистория под ведением епископа Чеховича не принимали в богословие студентов, окончившых гимназию з Лемковщины, лем зато, што они признавалися к русской народности, а потом под ведением студента Ивана Кушвары, уроженца Мшанной, обкидали епископску палату смердячыми яйцами, за то, што не были приняты на богословие.

Русске житья на Лемковщині в началі Первой Світовой войны было заборонене, а на доносы шпионов-конфидентов Австро-мадьярской жандармерии и со стороны украинскых попов, учителей и екес-жандармов, были розстріляны священник Петро Сандович, його сын Антоний Сандович с Брунар, а тоже православный священник Максим Сандович зо Ждыни, Теофиль Мохнацкий, абсольвент гимназии и решта священникы, учители и сознательне селянство было вывезене в Терезин, Талергоф, с чого много их померло, як видны діятели Лемковщины — священник Гавраил Гнатышак с Крыницы, свящ. Олимпий Полянский з Юровец, коло Сянока, выдающийся организатор и вице-маршал в Сяноку, учители и селяне.

Переселенцы Лемковщины по инициативі свящ. Обушкевича в Америкі, не забываючи на своих єдноплемянников, пересылали финансову поддержку в Талергоф, без котрой пришло бы ся им всім померти.

На другом Віденнском процессі были суджены самы лучшы сыны [ Лемковщины, а то:

Др. Симеон Булик, адвокат, Мушина.
Свящ. Гавриил Гнатышак, Крыница.
Свящ. Роман Прислопский, Жегестов.
Др. Александр Гассай, адвокат, Мушина.
Др. Александр Савюк, Адвокат, Сянок.
Студент университета Димитрий Вислоцкий (Ваньо Гунянка), село Лабова.
Студент университета Иван Андрейко, Тылич.
Теодор Мохнацкий, Мохначка.
Алексей Милянич, учитель, Поворозник.
Методий Трохановский, учитель, Крыница.
Свящ. Феодосий Дуркот, Ждыня.
Николай Громосяк, крестьянин, Крыница.

Послі роспадения Австро-Мадьярщины, старой лукавой мачохы, Лемковщина осталася на произвол судьбы. Лучшы Сыны Лемковщины желали присоєдинения к славянскому племени, а то к Чехословакии, но в конец концов осталися “на всегда” в преділах католицкой панской Річы Посполитой Польской, котра продолжала стару политику оставлену ей Австро-Мадьярщином с Дивизом “Дивиде ет импера”.


ЛЕМКЫ В ЧЕХОСЛОВАКИИ

Лучшы сыны Лемковщины, спасаючи свою жизнь на родной землі, переселилися в Чехословакию, с котрых даякы получили университетске образование в Прагі, а больше всего были то сынове нашых селян с поддержком родствнников и переселенцов в Америкі.

Другы с высшым образованием получили высокы міста, як окружны начальникы, чиновникы Гражданского управления Подкарпатской Руси и Словакии — публичны нотары, адвокаты и проч. А то:

Дуркот Иоанна, урож. Ждыні, чиновница финан. управления Ужгорода.

Дуркот Евгения, урож. с. Ждыня, чиновница школьного реф. Ужгород.

Дуркот Дарина, урож. с. Ждыня, чиновница школьного реф. Ужгород.

Д-р. Симеон Уский, урож. с. Ждыня, заміститель публичного нотара Д-ра Димитрия Маркова в Сабинові.

Ядловский Иван, урож. с. Смерековца, директор финан. дирекции Мукачево.

Д-р. Карел Андрей, урож. с Лосье, прокуратор финанс. дирекции Ужгорода.

Д-р. Вислоцкий Иван, урож. с. Гладышов, окружный начальник Перечина.

Д-р. Федорко Михаил, урож. с. Гладышов, адвокат — Мукачево.

Колдра Василий, урож. с. Святкова, инженер агроном — Тячево.

Д-р. Собин Димитрий, урож. с. Бортне, с начала окружный начальник в Липанох, позднійше Пряшева, а послі публичный нотар в Тячеві на Подкарпатсмкой Руси.

Д-р. инжинер Хомкович Григорий, урож. Бортне, профессор университета в Братиславі.

Д-р. Иван Андрейко, урож. Тылича, участник Віденского процесса, окружный начальник в Росвигові коло Мукачева.

Венгринович Стефания, урож. с Тылич, жена полковника Романа Сембратовича в Пряшеві.

Сембратович Роман, урож. с. Чертежа, около Санова, полковник Чехословацкой армии.

Вислоцкий Димитрий, урож. с. Лабова (Ваньо Гунянка), первый секретарь Русской Народной Рады в Пряшеві, а и личный секретарь губернатора Д-ра Антония Бескида в Пряшеві, публицист, и найлучший оратор-бесідник для народа.

Д-р. Иван Кулявчик, урож. с. Ольховец, публичный нотар во Воловцы на Подкарпатской Руси, когда был судебным авскультантом (практикантом) на крановом суді в Пряшеві, был инициатором заложения Русского Клуба в Пряшеві.

Федак Николай, урож. с. Поляны, чиновник окружного суда Гиральтовцы.

Полошинович Юрий, урож. с. Щавне, окруж. нотар Синевир — Подкарпатска Русь.

Полошинович Евстахий, урож. с. Середница, начальник суда Верецкы, Подкарпатска Русь.

Волосинович Александр, урож. с. Липовця, округ Сянов, началаник окружный в Бардейові, любимец народа.

Вацлавский Михаил, урож. с. Синявы, школьный инспектор в Межилаборцях, пионир русской кооперации в Карпатах, основатель кредитного дружства Надежда в Межилаборцах. В память жители города Межилаборцы похоронили його и на свой счет построили йому памятник, и поименовали улицу по имени Вацлавского.

Инжинер Вацлавский Петер, урож. Синявы, брат Михаила, профессор горной академии в Банской Стявницы.

Д-р. Гнатко Андрей Михайлович, урож. Сяноччины, директор русской гимназии в Ужгороді, основатель трудовой партии, депутат Пражского парламента, лучший организатор народа.

Д-р. Николай Лозинский, урож. Усврик, адвокат Севлюш.

Грабец Мирослав, урож. Лупкова, журналист, Прага.

Грабец Юрий, урож. Лупкова, економ, учитель, Верховцы.

Грабец Николай, урож. Лупкова, учитель Владича, округ Межилаборцы.

Инж. Грабец Евгений, профессор лісничой школы в Пряшеві.

Д-р. Гассай Александр, учасвник Вінского второго процесса, публичный нотар в Мукачеві, любитель школьной молодежы.

Лемковщина осталася есгодня пустом страмом. Єй коренне население розсіяне по всіх странах чужой землі, а єй родный сын не може поклонитися або доч над могилом родителей.

Честь и слава Вам, братья лемкы, што Вы не забывате за родну страну.


Теодор Вас. Дуфанец.




ИЕРОНИМ АНОНИМ (ВЛАДИМИР ХИЛЯК), УРОЖЕНЕЦ
ЛЕМКОВЩИНЫ, ПИСАТЕЛЬ

Под именем Иероним Аноним на литературном поприщі был єден з найлучшых писателей, уроженец Лемковщины, священник — Владимир Хиляк, бывший приходник села Бортне на Лемковщині. Родился в селі Верхомля Велика, повіт Новый Санч над Попрадом, умер дня 25. ѴІІ. 1893.

О том писателю наша Лемковщина не забыла, а можна сказати, што його сочинения уже и не появляются, но память осталася велика. Покойный священник Владимир Хиляк посіщал гимназию в Пряшеві, послі окончания возвратился обратно на родну Лемковщину и вступат на богословие во Львові, где кончит його, а по окочению назначений был приходником в село Бортне на Лемковщині.

Перва його повість была “Польский патриот”, в котром описує подіи и житья селян и их звычаи, а с великом любовью к гдекотрым з них.

Перва його повість появилася в газеті “Слово” в 1872 року. Уроженый он и выхованый между лемковскыми селянами, он описує жизнь селян, их звычаи и обычаи. Писал он оповіданиз “Мой, блаженной памяти, дьяк”, в котром описує старого дьяка, його честность, привязанность до своих обовязков, а и о його слабости — любовь до паленкы и самохвальства.

Россказ-оповідание “Кусник жизни людской” — о темноті селянина, котрый был обманутый жидом, тратит свой грунт родина гине в нужді.

Дальше його повість “Поштовый рожок”, в котром описує житья священическых семьей, а тоже описує житья гимназистов, якы живут на квартирах, далеко от дома, тяжко бідуют, але кромі того сохраняют юмор и разными выгадками веселыми увеселяют своє житья.

Єдна с найкрасшых повістей была “Шибеничный верх”, котра была перепечатана в России в журналі “Славянский мир” в 1880 году. Хиляк в той повісти описує польскых конфедератов, т. є. союз польскых патриотов, их поведение на Лемковщині, якы боролися против ольского короля Станислава Понятовского, якы знущалися над народом, а тоже якы терпіния переносили лемкы в тот час. И хотя повісти и оповідания Иеронима Анонима сут дуже интересны и поучаючы, то мало кто их читат, бо книжку тяжко достати, бо они на книжньом рынку являются рідкостью.




ВЕЛИКИЙ ЖЕРТВОВАТЕЛЬ ЛЕМКОВЩИНЫ

Венедикт Васильевич Мєйский, Ц. К., инжинер, родился в 1830 г. в селі Поляны на Лемковщині, отзывчий жертвователь на народны ціли. Всі свои ощадности завіщал-жертвовал на постройку бурсы в Новом Санчу на Лемковщині, а тоже значительну сумму жертвовал на общ. Качковокого во Львові.

Венедикт Васильевич Мєйский помер в 1921 року во Львові.

Инициатор постройкы бурсы В. В. Мєйского в Новом Санчу, Иван Демянович Черкаский, преподаватель гимназии, учредитель русской бурсы им. В. В. Мєйского в Новом Санчу. Родился в 1847 року, умер 1915 року в Відню.


Дуфанец Т. В.



[BACK]