О Нашых Визиторах до Старого Краю
Николай Гарайда
Николай Гарайда из Лемко-Парку, на вакациях на Пряшевщині, зберат грибы. Такого розміра грибы не роснут нингде в Америкі.

За остатны рокы нашы краяне в Америкі навязуют наново свои родинны контакты з родным крайом, и каждого року, щто раз, то больше число посітителей навіщают Лемковину по обоим сторонам Карпат — Лемковщину и Пряшевщину. Дошло даже до того, што дакотры начали организовати массовы группы для такого посіщения и уж было цілый ряд и такых групп. Примором Ярембинчане штоси в числі около 35 полетіли видіти родне и сусідны села. Слідуючого року организовалася т. зв. Перва еккурсийна поіздка до Устья Русского в числі 50 особ. Решту были меньшыми группами.

Но а тоты туристы, котры хотят побыти ціле літо в родном краю выбераются особно, и так там обсервуют житья, як оно змінилося.

До такых поєдинчых краянов належит и Николай Гарайда, што жиє в Лемко-Парку. В 1963 року он сбавил ціле літо по селах Пряшевщины в околици Ладомировы. Там он виділ не лем як жиют краяне, але як заховуют свои народны традиции дальше такы, як свадьбы, крестины, похороны, но и общенародны традиции, як “Событку”, “Русаля”, “Кермешы” и др.

При том поміщаме його фотографию в Крайной Чорной, где он ходил за грибами, котры так роснут по лісах, як и росли даколи. В Америкі такого, гриба не найдете в жадном лісі.




[BACK]