Porada65
Иван Порада, мол., John Porada, Jr.

Иван Порада, Мол., то сын Ивана и Насті Порада из Линдгирст, Н. Дж. Он посіщал Ферлей Дикенсон университет в Рутенфорд, Н. Дж. и минувшого року успішно здал испыт из университету. По причині градуации для Ивана была устроєна родичами велика гостина, на котрой присутствовали учители, школьны товаришы и много нашых краянов, членов Лемко-Союза и читателей г. “Карпатска Русь”.

Коли Иван Порада был ище в университеті, он брал участь в спорті “бескетболл” и “бейсболл”. По причині його великого роста и великой подобизны до телевизийного артисты “Гос” в программі “Бонанза”, котра ище все єст дуже популярна, то Ивана всі называли “Госом”.

Но Иван Порада мол., як и його родиче дуже близкий нашой организации Лемко-Союз и особливо Лемко-Парку, где он єст головным музыкантом на гармошкі в молодежной Лемко-Парк Оркестрі. Он помагат и в молодежном отділі на кілько може и як му обставины позволяют. Бо треба знати, што сейчас послі окончения университета його наняла бейсбольна компания, котра подготовлят способнійшых хлопцов для профессиональной гры в национальных лигах.

Учители и друзья постаралися достати коня для Ивана Порады, штобы каждого переконати, як он близко подобный до артисты “Гос”. Иван собі с того имена дуже ничого не робит, коли го так называют хлопці, но коли дівчата го так кличут, то уж не так любит тоту кличку.

Ивану жичиме много счастья выслужити армию и заняти передове місце в бейсболю.






[BACK]