OurCarp65
Край Лемковина, горы Карпаты,
Вы нашы родны, силом нам взяты.
Вас так назвали — край “Лемковина”,
Люде ся звали — русска родина.
Віками жили діды прадіды,
Радили собі, хоц часом в біді.
Но честно русске имя хранили,
Зато заплату таку получили.
Нас так прогнали, як то румыны,
Маленьке племя, што звутся гуны.
Нам теперь кажут тихо сідити
И за край родный кажут забыти.
Нас катували чужы и свои,
Но лемкы были все твердой волі,
Же зайде солнце и над Карпаты,
Свободу принесут нам нашы братья.
На жаль великий вышло иначе,
Бо лемков прогнали, а Карпаты плачут
И кличут нас: вертайте діти,
На родной земли вы должны жити.
Но тоты часы варварскы были,
В тот час сильны слабых нищили.
Теперь наука, культура, братство,
А про нас лемков нищета и рабство.
Бо нас прогнали з родного свого,
И розсіяли, где як попало,
Теперь нам кажут, же так ма быти,
Ниякых лемков нема на світі.
Но то неправда, што вы кажете,
Вы сами себе тым понижате.
Таж знате добри, где лемкы жили,
Вы з родной землі нас выселили.
Брате поляку памятай того,
Любиш, не любиш брата русского,
Но як бы русскы кровь не проляли,
Вы бы “ойчизны” свойой не мали.
Братья славяне, чом так блудиме?
Сильнійшы слабшым житья дусиме.
Найвысший час правду признати,
И лемкам землю родну отдати.

[BACK]