Широкоизвістна народна тружениця, Юстина Мусяла, померла несподівано в місті Нью Йорку 20 февраля 1963 р. Юстина родилася в селі Боднарка, Горлицкого повіта. До Америкы приіхала в 1913 року молоденьком дівчином и замешкала на постоянно в Нью Йорку. В 1916 року отдалася за свого сусіда з краю Павла Мусилу, с котрым в згоді и любови прожили 47 років.

В примірном и общественном житью, яке они вели, Господь надгородил их красном и патриотичном до свого народа фамилиом: трьома дочками — Настя, Надя и Любовь и єдным сыном Андрейом. Всі діти счастливо отданы за своих русскых людей. У них уж пару внучок и внуков.

С отділами Лемко-Союза в Нью Йорку фамилия Мусялов была нерозлучно связана от самого начала организации. Понеже то была найпримірнійша фамилия, котра трималася разом, то Юстина была сердцом не лем родині, але и нашому там организацинйому житью. По том, як примірно діти и внукы выхованы можна судити, хоц бы по том, што діти не пропустили на єй похоронах, абы не собрати на пресс-фонд нашой народной газеты “Карпатска Русь”, котру они знали, што она сердечно любила. И сбор показал 73 доллары. Присутны то зробили ради єй памяти.

Осталася в живых вся засмучена родина, но чтити єй память будут не лем члены єй родины, але и всі члены Лемко-Союза будут вспоминати єй добрым словом, як долго будут жити.