Ирена Млинарь, Медична Сестра
Ирена Млинарь, Irina Mlinar

Мы, емигранты из Карпатскых бідных сел, где жили зме простым селянскым и при том трудным житьом, а коли зме усілися ту в Канаді, то каждого из нас желанием было, штобы нашым дітом можно было дати высше образование, штобы они познали житья красше от нас. И нашы мріи до певной міры сполняются, бо канадскы школьны власти не смотрят, же якого происхождения ученик, лем най добре учится. До того часу майже всі нашы діти достали высше або хоц среднье образование. Так, як в нас студенты мают вольный выбор, яку професию хоче изучати, Ирена, дочка Василя и Анны Млинар (Василь из села Стебник, а Анна из Регетовкы, обоє из Пряшевщины) выбрала собі, выучилася и сдала екзамен и на “градуейшин дей” дня 15 сентября получила свой диплом of Graduate Nurse (R.N.) и стала на роботу в Royal Edward Laurentian Hospital.

Ирена выбрала профессию, штобы не лем сама з ней корыстала, але штобы так, як Самарянин, могла дати обслугу и помочь, несмотрячи, ци свой, ци ей николи не знакомый человік.

Честь тобі, Иренко, зато, што Ты выбрала собі сама таку роботу, до котрой многых треба аж просити.

Я от себе желаю, штобы ей рукы были благословенны и потребующым вспомагательны.

Нонашко


В. Б.
Монтреаль, Кве.
MlinarEnd

[BACK]