Настя Кузмич, Nancy Kuzmich
Настя Кузмич, Nancy Kuzmich

Барже ціле минувше літо Нью-йоркскы газеты поміщали фотографии и статьи о Анастазии Кузмич, донькі мр. и мрс. Стефана Кузмич из Байонн, Н. Дж., а особливо о єй дивной профессии.

Первый лейтенант воздушного американского флота Анастазии (Ненси) Кузмич, любит проводити житья в найбольше небеспечных пущах и боротися за житья с глухом природом. Недавно она повернула из глубокых "джунгльов” в Панамской зоні, пребываючы дни и ночы меже страшными на сам вид птицами, пажерными орлами, малпами, ящурками, звірятами и ріжного рода гадами, котрыми тоты джунгли густо заполнены. Она соберат ріжны сорты хробаков, мотыльов и т. д.

Настя Кузмич окончила средню (гай-скул) школу в Байонн, Н. Дж., а диплом норсы получила в Роткес университеті. Послі того она поступила в воздушный флот Соєдиненных Штатов, где пополнила свои знания по той самой профессии.

Настя знає не л ем, як хоронитися от пажерных або отруйных звіров, но она знає, як захватити кажде пажерне звіря або птицу в свои рукы. Иншыми словами, она знає их натуру тогды, коли они єй натуры и єй мысли и способности не знают. Коли треба, она знає, як кажде звіря убити, як вычистити и привести до порядку. Она знає, як олупити змию, ци то она маленька, ци велика.

Настя говорит, што найбольше до такого житья заохотила єй мати, поучаючи єй, штобы не боялася світа и жебы сама собі знала глядати дорогу до житья. Но обоє родиче Кузмичы сут горды за смілость свойой дочкы Насті, хоц им ся цне за ньом, коли она оставит дом и поіде в джунгли. Но они говорят, што того они уж не годны змінити, и коли она подписуєся до воздушных сил на два рокы, то они сут певны, што коли час приде, она продолжит свою службу на слідуючы два, а може и четырі рокы. Родиче Кузмичы являются читателями г. “Карпатска Русь” от самых початков и сут передовыми меже краянами в Байонн, Н. Дж.

Фотография, котру ту поміщаме, показує Настью в джунглях Полудневой Америкы, як она ростігат свою постель мішок до спаня, зділаный из парашюта, при помочы котрого она злетіла на землю, коли аероплан розсіял єй и єй товаришкы по джунглях.

Правда, што то єст робота пристойна больше смілым мужчинам, чым женщинам и то в таком молодом віку, но коли она приносит довольство єй житью и пользу наукі, то мы в том жичиме єй успіха и всіх браг.






[BACK]