Jedinak65
Peter Jedinak

Смерть Петра Єдинака тоже слідує записати до предвчасных, бо он умер на 56 року свого житья.

Петро Єдинак родился в Америкі в Джерзи Сити, Н. Дж., от родичов Ивана Єдинак и Параскы з роду Филяк, походящых зо села Ждыня, Горлицкого повіта на Лемковині. Родился в 1906 року дня 14 ноября. Малым хлопцом родиче забрали го до их родного села, где Петро выховался аж до 1926 року. В том року он вернул в Америку до міста свого рождения, но понеже там не мог найти про себе роботу, то переселился до міста Юнкерс. Ту он и оженился на только, што в Америку прибывшой дівчині зо села Шквіртне, с Ольгом Обух.

Працувал в Юнкерс в извістной на всю Америку карпетовни Ал. Смита. По причині упадаючого здоровья Петро перешол на иншы роботы, а раз даже основал своє приватне торговельне предприятие. Разом с женом выховали трьох сынов: Павла, Алексия и Стефана и доньку Надю. Всі сынове окончили, а Надья кончит высшы школы.

Петро Єдинак был членом Лемко Союза от його основания и живо интересувался ним и враз с женом принимали активне участие в його всесторонной просвітительной діятельности. Много роков занимал уряд предсідателя отділа Л. С. ч. 28, и на єден завод был Организатором I Округа Л. С., а тоже предсідательом Карпаторусского Центра. Тоты уряды он занимал зато, што любил трудитися для народной организации и выбераный был зато, што выполнял приняту на себе роботу.

Помер он послі продолжительной хвороты на русский праздник Рождества в 1961 року. Вічна память от родины и краянов.






[BACK]