Лемковскы Народны Співанкы

УЖ ЄМ ПООРАЛ

Уж єм поорал тото полечко раз, (2)
Миленька вышла, істи вынесла
И счестья рекла перший раз. (2).

Витай миленька, витай здравенька раз,
Тяжко-м поорал, легче-м посіял,
Косити буде легче зас.

Уж єм покосил и домів звозил раз,
Карта мі пришла, до войска-м пішол,
Мила плакала за мном барз.

Не плач миленька, не плач серденько раз,
Войско выслежу и домів верну,
Газдувал буду вера зас.

Єм домів вернул, женитися хочу раз,
Дівчата шіварны, страшно парадны,
Жадна мя не аде вера зас.

Дівчатко шварне, не будь парадне,
Подай рученьку, побесідуйме раз,
И добрі буде дальше зас.



ОЙ ВЕРШЕ МОЙ ВЕРШЕ

Ой перше мой верше,
Мой зеленый верше,
Уж мі так не буде (2)
Як мі было перше.

Бо перше мі было
Барз мі добрі было,
От свойой мамичкы (2)
Не ходити было.

Бо перше мі было,
Перешлой осени,
Носил мі миленький (2)
Орішкы в кишени.

Орішкы в кишенях,
Яблочка червены,
Все мі так повідал (2)
Же ся буде женил.




[BACK]