Badvak65
Таня Бадвак, Tanja Badvak

Таня Бадвак, то дочка нашых краянов из Лемковины и читателей газеты “Карпатска Русь” Мр. и Мрс. Михаила и Теклі Бадвак, из Мейфильд, Па. Місточко Мейфильд при твердом углю было єдным из першых карпаторусскых колоний, так званых пионерскых, в Америкі. В початках ту была хыбаль перша русска церковь с прекрасным хором и діточа лемковска школа при церкви, котрой соткы в Америкі рожденых дітей той парафии завдячуют знание русского языка и письма.

Таня Бадвак поіхала через Нью Йорк до Кивик в Швеции, где буде студийовати, яко замінный (“ексчендж”) студент.

В 1964 року Таня окончила средню Лейкленд школу, в котрой она уважалася першом в наукі. Она была президентом группы єй віка “сомофоров” передовых студентов єй классы. Она належала до школьной оркестры, Испанского клуба, была кассиром при школьной раді и вицепрезидентом Мейфилдской группы Н-р. 160.

Яко бывший член планового комитета при Скрентон-Поконо Раді дівочых скаутов, она представляла своих, містных скаутов Раундан в Вернон. Она належала тоже до русской православной церкви св. Йоанна в Мейфильд, где учила в недільной школі и брала участие в хорі.

Она єст єдном из двох дівчат у Бадваков, а єдиный єй брат Иван служит в воздушном флоті в Фт. Ли, Ва.

Молодой Тані Бадвак жичиме доброго успіха в наукі от щирого сердца.

Под церквом в Мейфильд уж не учат русского языка, бо його преподают в Мейфильдской Средной (Гай) школі. Учительом єст сын, котрого родиче походят с Перегримкы, а то Михаил Кулик. Научился русского языка под церквом, а теперь выкладат в высшой школі.


Єва Юрковска.

[BACK]