Симеон и Анна Ворона — Текля Ворона Горунел
Simeon and Anna Vorona

Нашы родиче Симеон и Анна Ворона обходили золотый юбилей 1-го июня 1963 року. Они вінчалися в русской грекокатолицкой церкви в Пассайку, Н. Дж. Они обоє походят из Лемковины Новосандецкого повіта, тато Симеон из Криниці, Михаила и Софии Ворона сын, а мама Анна зо села Астрябика, Димитрия и Орины Теліщак дівка. Тато пришли до Америкы в 1907 року, а мама в 1910 року. Они жили в Клифтон, Н. Дж., за долгы рокы, а в 1948 року перенеслися до Линкольн Парку, Н. Дж. Нашы родиче сут членами Лемко-Союза отділа ч. 80 в Лемко-Парку и шергольдерами Лемко-Парка. Они выховали нас дві дівкы: Ольга жиє в Линкольн Парку, а я Текля, жию в Лудлов, Масс. Обі сестры замужны и выховали зме нашым родичам четверо внуков. Нашы сынове сут єден посіщат Техничный Институт в Калифорнии в Паседина, а другий робит в джет пропошин Лаборатории, в той самой школі, третий посіщат Бейкен Университет в Лалдвин, Кансас, а четвертый покончил Лудлов Масс, Гай-Скул в июню 1963 року.

В честь нашых родичов мы обі з мойом сестром зробили гостину в их домі, так як мы по американскы называме “опен-гауз”, отвореный дом. А же я можу писати по русскы, то ся належит подяка о. прот. Иоанну Боруху, бо як они были на парафии в Пассайку, Н. Дж., то они нас учили русской азбукы.


Текля Ворона Горунел.
Лудлов, Масс.



[BACK]