Наш Рестерант
Our Resturant

Так выглядат наш рестерант в Карпаторусском Американском Центрі в робочий день вечером. Тота знимка была брана в четверг 21-го сентября 1963 г. Ту каждого вечера забавляются молодшы и старшы. В тот вечер, на фотографию были зняны члены Юкерского Спортового Клуба. Розумієся, што то лем часть их клуба. За баром видно Менажера Михаила Пораду и його жену Анну Порада. Михаил Порада походит из села Дальовы, но в Америкі рожденый в Джерзи Сити, Н. Дж., от отца Ивана Порады и мамы Марты, з роду Мотычка. Мама походит зо села Барвінок, пов. Кросно. У Михаила Порады єст штырьох братов, а он пятый: Иван Порада, Михаил Порада, Николай Порада, Стефан Порада, то всі жиют в Америкі, а наймолодший Василь жиє в старом краю на западі в селі Свьержно, повіт Мястко. В Советском Союзі жиє сестра Мария, в Львовской области. Який рок тому, або больше, Михаил Порада и братья забрали свою стару маму до себе до Америкы. Теперь она жиє в новеньком гавзі Михаила и Анны Порада, зараз коло Лемко-Парку в Монро, Н. Й. У них єст 12-літна дочка-красавица Мария Порада. Михаил Порада был на войні в американском войску, где был тяжко раненый. Во шпыталю вылежал за 6 місяцов. Потом за 15 роков працувал на Пеннсильвания Род “Тог Бовте”, а в послідных роках был менажером в KFA Центрі, в Лбмко Парку, а теперь знова в КРА Центрі.

Анна Порада, родом из села Дальовы, отца Николая и Параскы Завойскых. У ней сут дві сестры-бижнятка: Настя и Мария и брат Иван Завойский, Настя отдана за Джеком Стами, а Мария отдана за Теодора Рудавского, теперішнього головного председателя Лемко-Союза.

Ціла родина Порадов, Рудавскых и Завойскых жиют примірным житьом, и всі належат до Лемко-Совза и мают шеры в Лемко-Парку. Нісколько літ тому Рудавскы спровадили зо старого краю свою маму Параску Завойску. Она жиє коло свого зятя и дочкы Теодора и Марии Рудавскых в Линден, Н. Дж.




[BACK]