NewYearGirl
NewYear64
Там понад Дуброву
По снігу білицькім,
Иде Новый Рочок
До нас молодицький.
Иде голый-босый,
Штоси засмучений,
Певно думат о том,
Як буде встріченый.
Думат сой, неборак,
Як світ поправити,
Жебы людям было
Даяк ліпше жити.
Бы лекше робили,
Больше хліба мали,
Бы здоровшы были,
Жебы сой співали.
Но ци он успіє
Собі порадити,
И свои желания
Добры выполнити?
Буде он слабенький
И за коротенький,
И зо злыма людьми
Певно замягенький.
То я йому жичу
Лемковске дівчатко,
Отвагы и силы
За силачов двасто.



[BACK]