Новый Клуб Лемко-Союза
New Lemko Association Club House

Урядникы отділа Лемко-Союза ч. 29 в Ансонии, Конн., перед новым Лемко-Клубом.

Минувшого року наша народна организация Лемко-Союз мала прилежитость похвалитися дальшым успіхом свого розвития. В субботу дня 14 сентября 1963 року Ансонийский отділ Л. С. ч. 29 торжественно открыл новый Клуб при 63 Першинг драйв. Был то радостный праздник при участи місцевых краянов и передовых людей нашой организации с подальшых місцевостей, як Бриджпорта, Стамфорда, Юикерса и Лемко-Парка.

Судьба містного отділа была все трудна. Отділ был властительом гали и бизнесу с близко 10 домами до ренту, при Брод стр. Но в 1958 року страшный ураган, котрый в штаті Коннектикат наробил невиданной шкоды, знищил и маєткы Лемко-Союза. Ворогы тішилися, што уж пришол конец и Лемко-Союзу. Коли будова была приведена наново до порядку, місто рішило закупити землю, бо планувало построити дорогу. Урядникы нашли и купили инше місце на Лестер улици. Сусіде не любили мати клуб в сусідстві, та беспокоили урядников до той степегни, што они рішили побудовати новый клуб при експрессной дорогі 63 Першинг драйв. И побудували прекрасный новый и модерный клуб с гальом на предприятия. При гали красно высыпане камінчиками місце для поставкы автомобильов. Много труда вложили сами урядникы при планованию и выкончению клуба под руководством предсідателя Прокопа Опікуна, Михаила Бігуняка, Осифа Сим и другых. Великий жаль, што Михаил Бігуняк, котрыи так гордился и тішился, што они в Ансонии будут мати новый клуб, не дождал його открытия. Он пару тыждней перед тым несподіванно помер. Но в Ансонии меже членами Л. С. находятся идейны люде и патриоты свого народа, то они будут способны перейти трудности и повести всі діла успішно вперед, бо в том по можут и их діти, котры што раз больше начинают интересоватися тыми ділами, якыми интересовалися их родители.

Новому клубу найсердечнійшы пожелания в их новом домі.


GrandOpening

Гості на торжественной вечері в день открытия нового Лемко-Клуба в Ансонии, Конн., 1963 р.



[BACK]