Спомин — Гр. Хомяк
Стара любовь не ржавіє,
Коли в серцю искра тліє.
Тліє, тліє, не згоряє,
Давну любовь споминає.

Споминає и жалує
Што так несполнилось,
За молодых моих літ,
Як бы то хотілось.

Та юж дармо споминати,
Бо пізна година,
Зостарился и скорчился,
На плечах горбина.

Не вернется тота любовь,
Што давно бывала,
Всьо минуло и перешло,
Як та сонна мара.

Прощай мені стара любовь,
Што-м вспомнул о тобі,
З нею умру и спочину
У темному гробі.

Гр. Хомяк.

[BACK]