Любовь — Гр. Хомяк
Женила мя моя мати,
Женила, женила.
Казала мі таку брати,
Што мні єст не мила.

А я собі таку взял,
Што мні была мила,
И до всього способна,
И неє лінива.

До того мя щиро любит,
А и я єй тоже,
Допомож нам так прожити
Милостивый Боже.

И вы мои милы діти,
Вінчайтесь в любости,
Не в богатстві и гонори,
Што нема вартости.

Где в родині любовь, згода,
Там жизнь мила, тиха,
Бо их Господь Бог сохранит
От всякого лиха.

Без любви жизнь не мила,
Хоц мы и здоровы,
И богатство нас не тішит,
Як нема любови.

Гр. Хомяк.




[BACK]