Иван и Мария Хованец
John

50-літный юбилей супружества Ивана и Марии Хованец отбылся дня 23 февраля 1963 року, котрый устроили многочисленны діти и внукы, бо у них єст пять сынов и пять дочок, а внуков четырнадцетеро. Єсли додати зятьов и невісткы, то зробит потужну патриархальну фамелию.

Юбилянтов діти дуже шануют родичов, и тримаются разом так, што аж им всі завидуют. Раз в року они мают свой пикник в Лемко-Парку, На пикник они не приізжают отдільно машинами, а нанимают собі єдного автобуса. Як раз для них выстарчат, бо они го заполнят сами.

Обоє Хованці походят зо села Ліщин, Горлицкого повіта на Лемковщині.

На том юбилею гості тоже не забыли за пресс-фонд газеты “К. Русь” и собрали 31 долляров.

Хованці и их донькы и зятьове, то вшиткы членами Лемко-Союза або читателями газеты, або обоє разом.

Желаме нашым родичам, котры приходят с нами на вакации до Лемко Парку каждого року жити в такой згоді и счастью на многы літа. Направду нам радость мати такых родичов.


Зять Михаил Варянка.
Джерзи Сити, Н. Дж.



[BACK]