Понесеме Их Знамя Вперед — П. Лем
ForwardSubtitle
Священную память погибшых в бою
Без слез мы умієм хранить,
Мы жаждем всю силу, всю душу свою
На тот-же алтарь положить.
Т. Е. Хиляк.

При жизни лем єдного поколіния, и то за недолгий протяг, бо лем за тридцет літ (1914—1945) германский империализм вверг человічество в глубину невиданых в истории двох світовых войн, котры отняли житья десяткам миллионов людей, причинили неизлічимы материальны жертвы, понищили безсмертны сокровища культуры.

Слідуючи кличу “дранг нах остен” и “довіде ет импера”, як в Перву так и в Другу Світовы войны Германия ставила ціль — поневолити славянскы народы, знищити русский народ и його сердце Москву. Єднак, Германия, як и єй предшественникы грубо перераховалися, бо як о том писал в 1941 году сын карпаторусского народа Д. Вакаров в стихотворению

“Незваный Гость”:
К Москві он отчаянно рвется,
Побіда все снится йому,
Забыл он, што Русь не сдаєтся
В боях николи и никому.

Як в Перву так и в Другу Світову войну побіду одержало русске оружие, и знов в Берлин вступил побідоносный русский солдат тогды, як в Москву німецкий не вступил никогда.

Русский народ совмістно с славянскыми народами, не лем отстоял свою независимость, вынюс на своих плечах главну тяжесть войны, но и спас другы народы от німецького порабощения.

Як в Перву так и в Другу Світову войну, тыраючи елементарны права человіка, німцы варварскым способом уничтожали славянскы народы и на першом місци стремилися уничтожити русский народ.

Лемковскому народу, котрому историом суджено быти фортпостом земли русской на западі, як в Перву, так и в Другу Світову войну пришлося приняти первы удары и стояти гранитным утесом, на котрый єден за другым котилися озвірившы волны германизма, уносячи больше жертв и задаючи глубокы кровотекущы раны.

Важно надпомнути и то, што разом с завоювателями ранили наш народ доморождены украинскы сепаратисты, выкормлены австро-германскым империализмом и німецкым фашизмом, котры ище и сегодня обмываючи свои в крови омачаны рукы, готовы на союз с любым врагом, котрый готовый идти против русского народа, против Москвы.

Як Перва так и Друга Світова война одышли в прошле, а народы гоят свои раны и строят нове житья.

Заросли могилы, все меньше в живых участников страшных злодіяний австро-германского империализма и несчастного фашизма, Особенно мучеников I войны, 50-ти літие котрой отмічаме. Єднак забыти тых, кто отдал житья за наше счастье не маме права.

50 літ тому назад выстрілом в Сараєві началася Перва широка война, в часі котрой счинилося столкновение двох громадных европейскых держав Австро-Венгрии и России.

Германский империализм давно стремился в гляданию новых территорий и переділу поділеного світа коштом славянскых народов и в первой мірі России. В той ціли в оккупованой ним Галичині агенты Відня и Берлина насаджали укаринский национализм и сепаратизм. При помочи пропаганды, подкупов и застрашувания населению Галичины вдоблювалися идеи самостійной Украины, або иншыми словами, ненависть к русскому народу, його культурі и православной вірі. Єднак, пропанда украинского национализма не тішилася успіхом. Абсолютне большинство простого народа и интеллигенции стояло на правильных позициях национального самоопреділения и звертало свои взгляды на восток ку єднокровным братьям. Ище далеко до войны фабриковалися политичны процессы против прогрессивных діятелей. Єднак, застрашити народ не удалося. Он стоял твердо на позиции єдинства с русскым народом и різко выступал против украинского националистичного сеператизма, на котры положили свою ставку Відень и Берлин.

Далеко до начала войны, 7 февралая 1912 года, намістник Галичины Бобржинский, секретным письмом L. 29 d., потребовал от районных властей список руководителей и пропагандистов руссофильского движения. Кромі того, специально созвана “украинска рада во Львові” в 1912 году постановила поручити своим агентам составити список всіх “москвофилов”. Послі составления, список был преданый воєнной команді, а копия до св. Юра (греко-католицка митрополия во Львові).

Як скоро стало ясно, список “москвофилов” над котрым ряно потрудилися украинскы националисты, был потребный для массового истребления галицкого народа, за провину любви до свого русского народа и віру за объєдинение с ним.

С самого початку войны селян, интеллигенцию и священников вірных национальному имени предков без суда и слідствия вішали, кололи штыками, стріляли, а остальных гнали, як скот в концентрацийный табор Талергоф, где продолжалося массове истребление. Десяткы тысяч прошли через Талергофскы ворота ада, многы из них навічно осталися погребены под Соснами. Голод, холод и болізны каждоденно уносили десяткы жертв.


MariaMoknatsky

16-літна Мария Мохнацкий погибша в масакрі на улицах Перемышля дня 14 сентября 1914 року. Разом с ньом гузарскыми шаблями было зарубано на смерть 46 селян с околицы Перемышля.

Отдільном страницом записана смерть 46 селян, в том числі Марии Мохнацкой 16-літной дівочкы, порубаных шаблями в Перемышли на улици Семродского. Трудно перечислити всі звірства, котрым был подвернутый галицкий народ.

Добру и ясну отповідь на вопрос, чого німцы хотіли добитися через Талергоф от галицкого народа дал в свойом дневнику узник Талергофа Березский Стефан Андреєвич: “Тут то (в Талергофі), практичны німцы устроили величайшу в світі тюрьму, построивши на спіх парусто ріжного типа бараков. В той потворной тюрьмі вздумали заключити и уничтожити русский дух споконвіка боровшогося за свои права народа, на свойой родной земли Прикарпатья.

Другий узник Талергофа лемко Курило Василий Феофилович в “Дневнику Лемка из Талергофа” пише: “... хоронили живых, ослабленых ломили в гроб и везли на кладбище. Єден живый “покойник” отбил віко труны в пути на кладбище, и так спас собі житья. А кілько так погребено за житья, никто не спытал.”

Єднак, не смотрячи на пропаганду шантаж и подкупы с єдной стороны, террор и смерть, с другой стороны украинский сеператизм не пользувался успіхом и кромі горсточкы продажной интеллигенции и части греко-католицкого клера народ стоял твердо на позициях народного самознания.

Мужеству и патриотизму узников Талергофа высоку оцінку дал В. И. Ленин в письмі до И. Арманд, приводячи россказ русского солдата біжавшого из пліна (Талергофского лагеря) в Швейцарию. Ленин пише: “Чрезвычайно интересно было посмотреть и послушать. Пробыл год в немецком плену, в лагере, где томились 27,000 человек галичан подослали ловких лекторов, пропагандистов за “самостийность”. Результаты? Только малая группа поддалася агитации, остальные-же впадали в ярость при мысли об отделению от России. Факт замечатальный! Не верить не льзя. 27,000 число большое. Год срок большой, условия для пропаганды архиблагоприятельные, И все же близость к великоруссам брала верх.”

В тезисах о 300-літии воссоєдинения Украины с Россиом читаме: “Несмотря на всі усилия украинскых буржуазных националистов им не удалося отровити трудящых ядом национализма, привити им чувство вражды к русскому народу.” 

Пропаганда самостійников не тішилася успіхом. Народ воліл приняты смерть, як предательство.

В мужественной борьбі с Австро-Германскым империализмом и через мукы концлагера Талергоф лемковский народ подтвердил нерушимость вірности русскому народу и национальну зрілость.

Под ударами русского оружия и в результаті национально-освободительного движения угнетенных народов в 1917 году Австро-Венгерска тюрьма народов — лопнула. Пришол конец монархии Габсбургов.


talerhofmemorial

Талергофский Памятник во Львові на Лычаковском кладбищі.
(Фотография с 1960 року).

Оставшыся в живых узникы Талергофа потягнулися к родным ватрискам. Як всі народы бывшой Австро-Венгерской монархии, так и лемковский, загоюючи раны приступил к организации национально-политичному житью. Пятого декабря 1918 года, в селі Флоринка, Грибовского повіта была избрана Лемковска-Русска Народна Рада котра провозгласила Русску Лемковску Республику, и назначила правительство во главі с узниками Талергофа Д-ром Ярославом Качмарчиком. Основном цілью правительства Русской Лемковской Республикы было объєдинение с Совітском Россиом. Около двох літ лемковский народ роспоряжался свойом судьбом, єднако осуществити велику мечту объєдинения с русскым народом не удалося. Совітска Россия в жестокых боях отстоювала свою независимость. В Восточной Галиции господарили сеператисты иа табора ЗУНРА. Воспользовалася тым случайом паньска Польша и силом оружия навязала Лемковщині своє господство, арестовала правительство, котре потом судила 10 июня 1921 года в Новом Санчи.


TalerhoffProd

Представление п. назв. “Талергоф”, ставлене драматичным кружком Лемко-Союза из Пассайку, Н. Дж., под руководством Ярослава Кобан.

В условиях новой неволи под пятом панской Польшы, Лемковщина стала приводити в житья культурно-просвітительну роботу, организовати читальни народны домы, кооперативы, бурсы и другы культурны организации. Громадну материальну помочь, як и в часі войны (узникам в Талергофі), так и послі войны в организацийно-культурном житью оказували родны братья из Соєдиденных Штатов.

В 1928 году, 31 октября, состоялся первый грандиозный, многотысячный Талергофский съізд, котрый продемонструвал безсмертность идеи мучеников Талергофа — єдинства с русскым народом и дал отпор враждебной клеветі украинскых националистов. От 1928 року по 1939, Талергофский Комитет издал четырі пропамятны книгы “Талергофский Альманах”, в котром описана трагєдия галицко-русского народа в Перву Світову войну.


ParkChapel

Перший модель Талергофского памятника в Лемко-Парку? проектованого до будовы ку 50 рочници Талергофа, то ест в 1964 р. При конци 1963 року Талергофский Комитет розважат ище над другыми двома моделями до выбору.

На Другом Талергофском съізді 31 мая 1934 года во Львові на Лычаковском кладбищі на пожертвования всего народа открыто на могилі Неизвістного Талергофца величавый памятник мученикам Талергофа, котрый олицетворил безсмертность идеалов за котры погибли в Талергофі. Білый трираменный крест из мрамора на чорном граниті символизуює безсмертность идеи, за котру томился и погибал народ в неволи. Съізд призвал всі народы к бдительности, а славянскы народы к єдинству перед нарастающом угрозом германского фашизма. Захватом Австрии, оккупациом Чехословакии и Польшы гитлеровска Германия розвязує Другу Світову войну, ціль котрой як и в Перву войну поневолити славянскы народы и уничтожити великий русский народ и його сердце Москву. И наново, як в час Першой Світовой войны Лемковщина стала першом жертвом русского народа в борьбі с німецкым фашизмом. Гитлеровскы сатрапы разом с ренегатами украинскыми буржуазными националистами составляли спискы лемков-“руссофилов” “москвофилов”, а потом приступили к дикой росправі над лемками. Вішали, стріляли и гнали в концентрацийный табор, но тым разом не в Талергоф а в Освєнцим, где палили их в крематориях. Лемковский народ в застінках гестапо в концлагерах, а лемковскы партизаны с оружием в руках доказали, як и в Перву Світову войну, вірность идеям предков — єдинство с русскым народом. Лемкам погибшым в борьбі с фашизмом в часі Другой Світовой войны 22 июля 1963 роцу, в сердил Лемковины — Устью Русском открыто монументальный памятник.

Сегодня мы маєме два памятникы, первый в городі Львові жертвам Талергофа, погибшым в Першу Світову войну, другий в Устью Русском жертвам фашизма погибшым в Другой Світовой войні. Як в Першу так и в Другу Світову войну жертвом был наш лемковский народ, а завоювателями и палачами перший раз Австро-Германский империализм, другий раз германский фашизм. Його помочниками за оба разы ренегаты украинскы буржуазны националисты, котры за оба разы составили єдны и тоты самы спискы “руссофилов-москвофилов”, віром и правдом служили австрогерманскому империализму и німецкому нацизму, оба разы их рукы обагрены кровью невинного нашого народа. Як в Перву, так и в Другу Світову войну погибал наш народ за єдну и тоту саму идею и любовь к русскому народу, за презріние до украинскых националистов и их сеператистичных идей.

Оба разы враг єден Германия, оба разы ціль єдна: поневоление славянскых народов оба разы тоты самы запродатели — высше указаны украинскы националисты. Результаты, за оба разы, без огляду на многомиллионны человіческы жертвы и неисчерпаный материальный ущерб побідил русский народ. Германия пострадала поражение, запродавцы из табора украинскых националистов вышмарены власным народом на смітник заграницу. Єдвак, лемковскому народу, котрый остался за преділами русской державы, завдякы тых самых украинскых националистов зділана нова кривда. Но мы віриме, што в недалеком будущом несправедливость буде направлена, и лемко, котрый того захоче буде жити на Лемковщині.

Єсли бы народы світа вняли голосу мучеников Талергофа и зауздали німецкий фашизм в його зародках — не было бы Другой Світовой войны, миллионных жертв и розрушений.

Сейчас, коли Западно-германский милитаризм проповідує реваншизм, готовится к третьой світовой войні, цілью котрой, як и двох попередных — поневоление славянскых народов и в першом порядку русского народа — мы не можеме и не смієме забывати жертв двох попередных світовых войн.

Пятдесяту годовщину Талергофской трагедии лемкы отмітят постройком ище єдного памятника, котрый буде говорити поколіниям о мужестві их предков. Отмічаючи пятдесятилітие мы низко клониме головы нашы перед світлом памятью лучшых сынов и дочерей Лемковщины, отдавшых житья за идею отцов за русске имя. Больше того они не могли ничого отдати.

Безчисленны жертвы лемковского народа, принесены ним на олтарь идеи общерусского єдинства являются для нас приміром благородного служения родині и народу.



TalerPeregrim

Талергофский памятник в селі Перегримка, пов. Ясло на Лемковині.


[BACK]