Иван и Пелагия Дурняк
John Durniak, Иван Дурняк

Повысша знимка найлучше представлят житья емигранта-лемка в Америкі. Иван Дурняк держит на руках внучку, а Пелагия Дурняк держит внука. То єст ціла його фаилия: Двох сынов и три дочкы, оба сынове женаты и дві дочкы отданы, а третья дочка наймолодша Йоанна учится на норску. Всіх внуков и внучок у Дурняков єст 12-ро. На фотографии видно його три дочкы, двох сынов, дві невісты и єден зять, а єдного зятя бракує на фотографии. В Лемко-Парку в неділю 15-го сентября обоє юбилянты празднували 35-ту рочницу супружеского житья. О том юбилею споминалося в нашой газеті “К. Р.”. Сам Иван Дурняк походит родом из села Ганчовы, повіт Горлицы, от отца Даниила и Йоанны Дурняк. Мама родом походила из Ковальчиков, а Пелагия Дурняк походит из села Перегримка, повіт Дело, от отца Дмитра и Марины Гуня. Мама Пелагии походила з роду Оленич. До Америкы обоє Дурнякы приіхали в року 1926 до міста Юнкерс, Н. Й. Ту ся вінчали и тут жиют по сей день.

Обоє Дурнякы читают свою газету, як перше “Лемка”, так теперь “Карпатску Русь”, стоят членами Лемко Союза. Обоє они завсе интересовалися судьбом свого народа, но николи не забывали интересоватися житьом американского народа. Обоє они трудолюбивы и все идут охотно на помочь, кто лем их о то попросит. Характер обоих и цілой их фамилии єст добрый, приємный и культурный. В житью они прожили не лем веселы, но и смутны и тяжкы часы. Но николи не тратили надію на лучше впереді, и як можеме видіти на той фотографии, они мают чого быти задоволенні и мают чого быти вдячны Богу и людям, што жиют в достатках и при добром здоровью сегодня.




[BACK]