22-Га Миля Народной Дорогы
22nd Lemko Association Congress

Минувший 1963 рок остане отзначеный в житью нашой организации Лемко-Союза новым придорожным копцом двадцет другым з ряду, бо в 1963 року отбылся 22 съізд його делегатов. Ту важный єст тот колец с 22 номером при нашой организацийной дорогі, же он отбылся, то єст был поставленый при продолжающойся дорогі Лемко-Союза, но важнійший ище и своим новым успіхом, с якым он был проведеный и оконченый.

Важным в том новом придорожном знаку то, што он отбывался в нашой народной здравници Лемко-Парку, котрый находится на дорозі до свойой выплаты и дальшого розвития.

Но важнійшым єст дальший розвой самого Лемко-Союза. Започаткована в 1961 року на кливландском съізді діятельность над молодежом, дала добры результаты, бо на съізді уж не шест, а дванадцет молодых делегатов приняли активне участие, а то уж являтся добрым признаком заинтересованности молодых дальшом судьбом организации народного характера, яком єст Лемко-Союз. Бо кто инший, як не молодежь може дати нам надію на будуще руководство єй народными ділами.

Дуже важном пробом в том направлению то был выбор в головный уряд большого числа молодых урядников. Нашы организацийны діла можут нам идти с трудом, бо обом сторонам треба привыкати до чогоси нового, молодым до старшых, а старшым до молодых, бо так оно не лем у нас быват, але всяды. Така привычка, то єст природне явление меже людьми, и хоц на початках нам трудно буде привыкати, но зато результатов сподіємеся лучшых, як приде на то час. Зато мы радуємеся успіху 22-го съізда Лемко-Союза и уважаме, што його рішения поведут наш Лемко-Союз до далыных успіхов.


22thConStage

Бывше Гол. Правление Лемко-Союза и президия 22-го Гол. Съізда в Лемко-Парку, 1963.

22ndConEnd

[BACK]