VoloTitle63
Voloshinovsky

МОЛОДА ПАРА ИВАН И АННА ВОЛОШИНОВСКИЙ

Описуючи о супружескых юбилеях за многы рокы в Календарях Л. С., нашу редакцию минувшого року, пізно в осени встрітила тоже супружеска оказия.

То Иван Волошиновский, печатник и наборщик нашой редакции, котрый лем пару роков прибыл из Польшы до Америкы, полюбил собі Анну, дочку нашой доброй членкині и читателькы газеты Анастазии Кость из Байонн, Н. Дж., и они поженилися.

Женилися в русской православной церкви свв. ап. Петра и Павла. Вінчал их о. прот. Михаил Чанда.

Весіля отбывалося тоже в Байонн, при участи многых гостей и родины з Байонн, Юнкерс и многых другых міст. Подчас весіля не забыто и за пресс-фонд нашой газеты “Карпатсиа Русь” и было собрано 70 долляров.

Иван Волошиновский, оженившися, занял менажерство в Карпаторусском Американском Центрі, и мешкат в той институции разом зо свойом молодом женом.

Молодой парі желаєме много здоровья, счастья и добробыта в Америкі.




[BACK]