Лемковскы Спiванкы
ОТ РІКЫ САНУ

От рікы Сну аж до Татр
Лемковска земля, родный край,
От віків жил ту лемко-брат,
Земля там наша, брате знай!
За ешелоном ешелон,
Иде с Бескидов и Карпат,
За Сан, за Збруч, Дніпро на Дон
Заіхал бідный лемко-брат.
От Дону до Карпатскых гір,
Лем єдно гасло брате знай:
В свободу, в право, в правду вір
И Лемковщину памятай!


ОЙ ВЫІХАЛ Я НА ПОЛЕ

Ой выіхал я на поле, ище не был ден,
Моя мила уж там была, выберала лен.
Дай ти Боже счестя, дівча, счестя в ранный час,
Вчера-с ту лен выберала, днес выбераш зас.
Як єм вышла до роботы, допір свитало,
Кусцьок лену єм зобрала, решта зостало.
Выбрала єм три загоны, ище маю шіст,
Буду мала, што мядлити через цілый піст.
Цілу зиму буду пряла, до весняных свят,
И намотам тонкых ниток штук дас двадцет пят.


ДЕ-С БЫЛ, ЯНИЧКУ?

Де-с был, Яничку, де-с был до рана?
У дівчины, у єдиной, сама кликала.
Сама кликала, листы писала,
И сама мі на коника руку подала.
Конь воду пье, ножками бье,
Лем ся отсунь, мила, бо тя забье.
Фраирко моя, напой мі коня,
Не напою, бо ся бою, ище-м не твоя.
Як буду твоя, напою ти два,
3 глубокой студеночкы, з нового відра.



[BACK]