SkimbaTitle63
SkimbaBros63
БРАТЬЯ ШКИМБЫ: — Иван, Михаил и Стефан.

Найстарший Иван, а так Михаил и Стефан. Походят из села Воловец, Горлицкого повіта, сынове Игнатия и Марии Шкимба. В фамелии Шкимбов родилося 16-ро дітей, 8 хлопдов и 8 дівчат. 8-ро из них померли в дітинячом віку, а 8-ро в живых. 4-веро в старом краю, а 4-ро тут. Иван, Михаил и сестра Євка, замужна за Иваном Роздільскым, всі троє жиют в Ватербери, Конн. А Стефан жиє в Баллстон Спа, Н. Й., коло місточка Саратога Спа, Н. Й. Всі они прибыли в Америку ище перед Першом Світовом войном до міста Бруклин, Н. Й. Их брат Стефан прожил свой молодый вік в Бруклині, где переробил на уличных трамваях “стриткар” 24 рокы, яко моторман-кондуктор.

В самый тот час он награвал рекорды “Лемковске Весіля” и фильму с весільом, устроювал лемковскы забавы, концерты, “бюти” контест и иншы оказии.

Затым подупал он на здоровью и был мушеный оставити роботу и город Бруклин, а так в 1948 року переселился к Саратогі, Н. Й., где и поправился на здоровью.

В часі Першой Світовой войны братья: Михаил и Стефан служили в американской армии, а теперь всі братья и сестра жиют на пенсии.




[BACK]