Сиротскы Співанкы
Не маю, не маю
Голосу красного,
Бо-м ся не научила —
Не мала-м от кого.

Бо наша мамичка
Нигда не співали,
Лем ся все старали,
Бо нас дуже мали.

А Боже, мой Боже,
Де моя мамичка?
Юж на них выросла —
Зелена травочка.
Пішла бы я пішла
Травичку выжати,
Жебы ся хотіли —
Мамичка озвати.

Встанте мамцю, встанте,
Юж сте ся выспали,
Потіште сироты,
Што сте полишали.

Не встану, не встану,
Потіштеся сами,
Бо мои оченька
Навікы заспали.

Вечер над вечером,
Солнце на заході,
Юж моя мамичка
Опочивают в гробі.

Бо моя мамичка
Тяжко гарувала,
И мого весіля
Юж не до ждала.

Піду я на цмыгнтарь,
Клякну коло гробу,
Станте моя мамцю,
Зберте мя до шлюбу.

Зберай ты ся сама,
Бо я юж не встану,
Бо юж моє тіло —
Ціле спорохніло.

Анна Кобан.

Rd. No. 2, Box 243
Hibiscus Park
Stuart, Fla.



[BACK]