Лемковскы Спiванкы — Гей, На Роваш, Пані Матко
Гей, на роваш, пані, матко, на роваш,
А кому-ж ты тото дівча выховаш?
Та лем тобі, мій Яничку, тобі-то,
Жебы-с пришол газдувати на літо.

Моя мила задрімала, я заспал,
Кыйси-фрасик з капелюха перко взял:
Я сой думал, же то была Маринка,
А то была стародавна фраирка.

Ци ты підеш, ци не підеш, за мене?
Бо не сберат мя охота на тебе,
Кедь бы-с мала кус таляров и волы,
Пришол бы я женитися хоц-коли.



Дівчино, дівчино (жаль) жаль серцю мому,
Же ты мя не любишь, не знати чому.
Або то я каліка, ци не мам баюсика,
Ци я не гардый, дівчино, ци я не гардый?

Дівчино, дівчино (2) жаль серцю мому,
Же ты мя не любишь, не знати чому.
За калап єм перко дал, жебы-м ти ся сподабал,
А ты мя хцеш, дівчино, а ты мя не хцеш!

Дівчино, дівчино (2) жаль серцю мому,
Же на ня не смотриш, не знати чому.
Повідж мі, премилена, ци підеш за мене.
Ци ты мя схочеш, дівчино, ци мя не схочеш.

Шугаю, гугаю (2) не ход до мене,
Бо тя старый няньо з хижы выжене.
Я фраира уж маю,
Бо ты нич не маш, бідаку,
Бо ты нич не маш.




[BACK]