Співанкы Свашок
Была бы з мя была
Свашка премилена,
Жебы мі стояла
Паленка варена.

Паленка, варена,
Курочка печена,
Была бы з мя была —
Свашка премилена.

Свашка я сой свашка,
Юж єм досващила,
Остатню запаску,
Зо Себе пропила.

Свашка я сой свашка,
Юж єм досващила,
Остатню корову —
3 дружбами пропила.

Свашка я сой свашка,
Юж єм досващила,
Пришла мі середа,
Што буду робила?

Ни в млинци молоти,
Ни кудільку прясти,
Бо я ся навчила —
На весілю трясти.

Не піду до дому,
Ани ся не рушу,
Покаль на том столі
Фляшку не высушу.

Пию я сой пию,
Ище буду пити,
Мужа мам доброго —
Не буде мя бити.

Не бий же мя мужу,
Бо я добра буду,
С цілого села хлопців —
Любити буду.

Не піду до дому,
Аж буде більш день,
Речу миленькому:
Дай Боже добрый день!



[BACK]