Мене Там Мати Повила — 'Ясюнчан'
Над горбком, под Камяником,
Там наша хижа стояла,
Подперта долгым друком —
О саму землю ся операла.
Верх цілый соломяный был,
Лем стріха и гребінь из гонтов,
А сподкы вшиткы гриб юж іл.
И сруб росходился з боков,
Там мене мати повила.
Крас леняныма пеленками,
И в колыску положила,
Тай вкрыла теплыма шматами.
Я зачал страшні плакати
Своим слабенькым голосом,
Мама взяла ня колысати
И подспівувала под носом.
Тоты співанкы красны были,
И гнеска ище их чую.
Бо то их мои мама співали.
За што их дуже, дуже любую.

Ясюнчан.
AchieveEnd

[BACK]