Наша Молодежь

Короткы биографии о житю нашой молодежи, то лем маленька окрушина відомостей о ней, бо барже в каждой лемковской родині єст не по єдной, а по двоє, троє и больше дітей, и барже всі покончили низшы, або высшы школы и занимают роботы по найріжнороднійшым отраслям наукы и индустрии.

Но до сего часу наша молодежь в великом свойом проценті не мала можности познати ани историю, ани традиции, ани краю своих родителей. В отвіт на вопросы, где их родиче або дідове рождены, отвічали ріжно, в России, Австро-Венгрии и т. д., совсім несдаючи собі справы, о чом говорят. Подобно отвічали на вопросы о национальности своих предков, што они сут “Рошен”, “Австро-гунгерия”, “Славиш” аж и “Грик-католикс”, тоже не создаючи собі того, о чом говорят, и тогды их принимали за австрияков, мадьяров, русскых от Москвы, словаков, а часто за греков. О том, што они сут карпаторусского або лемковского роду, або што то означат для них, они совсім не знали. Того научити их не было в ничийом интересі, а родиче належно не знали то пояснити. И коли нашы діти знали много річей по ріжным наукам и заняли высокы посты в политикі, наукі, индустрии и др., то найменьше знали сами о собі, кто они сами.

Штобы зарадити тому неприятному и до великой міры шкодливому положению в нашом общественном житью XX юбилейный съізд Лемко-Союза в 1959 року рішил начати издание журнала на английском языку, в котром тоты найбольше незнаны факты нашой молодежі были бы пояснены. Она не лем познат сама себе, кто она єст, але и познакомится сама зо собом, для свого власного добра и добра своих родителей, их родного краю, и родины там, бо связь меже народами на обох континентах, то крешна зарука прогресса и мира на світі. И то рішение, хоц с трудом, но удалося выполнити и журнал привести в житье в першой половині 1960 року. До сего часу журнал має высше 500 молодых предплатников. На нашы условия, то дуже красны и указуючы на успіх початкы.

Журналом молодежы начинают помалы инересоватися, и як на початкы пильнійше познавати культуру и идеи своих родителей, а так начнут голоситися до помочи, и віриме, што журнал выйде на свою дорогу, а при том выполнит велику роботу объєдинения нашой молодежы для общой народной ціли.

YouthEnd

СТЕФАН КЕКЛЯК

Steve Kekliak

Стефан Кек, сын Асафата Кекляка, походящого из села Зубрика, Новосандецкого повіта, на Лемковщині, котрый теперь жиє на фармах в Бургав, Норт Каролайна штаті, заниматся артистичныма ділами в Нью Йорку. Выставкы його малюнков найменьшого розміра барже без перервы показуются в ріжных многочисленных галлереях, так званы жемчужинны (джювел) перлы, а недавно тому його роботы были даже показуваны по телевизии.

Но то не єдинственне занятие. В його студиях в Нью Йорку при 28 улици В. отдавна практикуются артисты для живых фильмовых и телевизийных вытуплений. Около 10 роков тому назад имя Стефана Кекляка, в скорочению Кек, нашлося в газетных заглавиях на первых страницах. В тоты часы он совершил поіздку до Аргентины послі чого описал свои впечатліния и подорожь, и на основанию свого твора вышколил артистов и издал фильм под назвом “Автобусом из Аргентины до Нью Йорка лем за 96 долляров”. Он створил тоже фантастичный фильм из своих малюнков, рисунков и фотографий, показующий атомну бомбардировку міста Нью Йорка. Зробил он то на просьбу містецкых властей, котры при помочи того фильма проводили программу цивильной обороны Великого Нью Йорка.

По причині свого побыту в краях Полудневой Америкы Стефан Кек широко извістный в Сантияго, Чили, Рио Диженейо, Бразилии, Монтевидео, Уругвай, где його малюнкы находятся на выставі в Музею Модерного Арту в Гватамалі, в Мексико и многых другых. Он тоже был в Европі, в Лондоні и Парижі на выставкі своих артистичных трудов. Стефан часто дає доклады на артистичны темы. В його студиях помагат му його молодший брат. Оба братья являются предплатниками нашого “Лемко” журнала, котрый выходит для молодежы на английском языку. 


SK Group
Стефан Кекляк (Кек) с свойом группом участников Фильма “Из Буєнос Айрес до Соєд. Штатов автобусом”. Историю той подорожы он сам написал из власного досвіду, сам подобрал акторов и сам выпродукувал фильм, котрый с успіхом показувался в Бродвейскых театрах в Нью Йорку и театрах другых міст.

ИНЖ. ПЕТРО ГОЙСАК

Peter Hojsak

Петро Гойсак єст сыном Ваня Гойсака, родом из Устья Русского, Горлицкого повіта, на Лемковині, и Марии, родом из села Бехерова на Пряшевщині. Они проживают в Монтреалю, Квебецкой провинции в Канаді, где они женилися, где родился, рос и школувался молодый сын на инженера. Свой диплом “Бечлер ов Сивик Инжениринг”, Петро Гойсак получил в МекГилл Университеті в Монтреалю. Коли был ище в школах, принимал участь в футбольной и бескетбольной грі. Он родился 16 сентября 1938 року, а минувшого року уж стал инженером.

Отец Петра, Ваньо Гойсак, пережил подлы часы от дітинства. Он был найстаршым сыном в родині, кромі старшой сестры Марии. В часі Першой Світовой войны отец был в Америкі, але Ваня, молодого хлопця, мама уважала за газду. Он разом с ньом мусіл нести всі тягары, воєнну оккупацию и повоєнны недостаткы. Связь с отцом в Америкі была прервана, она не навязалася и послі повороту його отца домів, и зато при першой возможности он выбрался на емиграцию в Канаду, где прожил 33 рокы.

Будучи Отцом, настала Друга Світова война, котра хоц не была в Канаді, но його забрали на ню. Был он в Японии и в Кореи. Цілых 16 літ выслужил потом канадской армии. Так што Ваньо аж теперь, коли дождался видіти першого свого сына инженером, познал, што то значит радость в житью, но и судьба аж теперь ку склону житья поправилася.

Кромі сына Петра у Гойсаков єст ище другий сын, Иван, и дві дочкы. Всі они идут в школу и добрі учатся. Сын Иван тоже ходит перший рок в Университет, донька Ольга єст секретарком в СиПиР. (желізнодорожна компания), а Гелена другий рок иде до средньой школы (гай-скул).

Молодому инженеру Петру Гойсак жичиме доброго успіха на отвiтственных роботах, як и решту учащымся дітям Ивана и Марии Гойсак на их дорозі до счастлившого житья.


Краяне —
Монтреаль, Кве.

АНТОНЕТ КАНЯ

Antonette Kania

Антонет Каня, донька Антония и Катерины Каня, походящых из села Ріпок, Горлицкого повіта на Лемковині, а проживающых в Линден, Н. Дж. Донька Антонет посіщат калледж, котрый єст частью Рутгес Университета в Нью Бронсвик, Н. Дж. За добру науку она получила два сколаршип, — єден штатный, а другий от так званой Линденской Научной Ассоциации. Яку профессию Антонет выбере собі, того она ище не рішила.

Отец Антонеты Антонь Каня в осени минувшого року был избраный в директоры Американского Лемко-Парка. Єст то тот самый, котрый был предсідательом упомянутой институции, котрый выбрал тот парк для покупкы, выторгувал го и руководил ним перший рок.

Антонет часто приходит в Лемко-Парк, помагат в роботах в кухни або при обслугі гостей в реставранті. Она єст читательком молодежного журнала “Лемко” и членкиньом молодежного отділа Л. С. в Парку.

Нашой доброй ученици жичиме добрых успіхов на дальше.


ПЕТРО МОТЫЧКА

Peter Motichka

Петро Мотычка, молодший, єст сыном нашого вірного читателя “Карпатской Руси” Петра Мотычкы из Линден, штат Нью Джерзи. Молодый Мотычка посіщат тепер Юнион Джуниор Калледж в Крамфорд, Н. Дж.

Молодый Петро был рожденый в Елизабет, Н. Дж., но он знакомый и в Джерзи Сити, Гарфильд так, як и в Елизабет и Линден бо во всіх тых місцевостях його родиче замешкували, то и он с ними.

Петро Мотычка, Мол., окончил Линденску высшу школу в июню минувшого року с великым успіхом. Он любит спорт и машинерию, чому присвячат много позашкольного часу. Петро близко знакомый тоже нашой лемковской молодежы и активно помагат при єй оргаизации.


ДР. МИРОН М. ЛАЦ

Myron Latz

Д-р. Мирон М. Лац из Воррен, Огайо єст сыном Михаила Лац из села Гирова на Лемковщині, а мати Анастазия родом из Восточной Галичины от Львова, Даколи они проживали в Канамі Пеннсильвания, штат а потом переселилися до Воррен, О., где они жиют.

Др. Мирон Лац начал студиовати медицину в Массачустском Генеральном Шпыталю в Бостоні, где был перворядным студентом-учеником. Окончательне признание доктора медицины он получил от Ейльского Университета в июню 1960 року. При получению права докторату он был награжденый Кемпбелл медальом, котрый єст найвысшом признательностьом при том университеті. Он был на первом місци из передовой тысячкы молодых докторов. Он был тоже избранный при университеті в Фи Бета Каппа, ище в первых роках своих там студий.

На протягу 1955-56 академичных наук он студиовал в Оксфордском университеті в Англии под руководством извістного світу Генери Гелловшип, а тоже Сир Говагда Флорий, носящого нобелевску награду.

В часі літных вакаций 1956 року он яко участник бескетбольной гры при университеті, он с свойом группом подорожувал по Европі. Они принимали участие в соревнованию в Польші, Чехословакии и Германии.

Он тоже принимал участие в бейсбольльных грах с Кливландскыми “Индиянами”. 

ЯРОСЛАВ ЗАВОЙСКИЙ

Yaroslav Zavojsky

Ярослав Завойский, сын Ивана Завойского, из Линден, Н. Дж., сдал отличны испыты из Линденской высшой школы в июню минувшого року, послі чого поступил в Фейрлей Дикинсон Университету в Рутенфорд, Н. Дж., где взял курс менажера уличного и дорожного руху. Для него тота наука не єст чужа, так як он уж має за собом дворочну практику в той овбласти, котру он набыл в “Фуд Файр Компании” в Розел, Н. Дж.

Ярослава часто увидите в Лемко-Парку в группі другой лемковской молодежы, где он любит сбавити свободный от наукы час.

Меже нашом молодежом он єст так популярным, што коли молодежный отділ выберал делегатов на Головный Съізд Лемко-Союза в Кливланді, О., то он нашолся избранным в их числі.

А коли молодежь переберала издательство молодежного журнала “Лемко” на себе, то Ярослава назначили менажером циркуляции их издательства.


НИКОЛАЙ КУКУЛЯК

Nickolas Kukuliak

Николай Кукуляк окончил высшу Бристол школу на отлично и поступил на науку в Ренсинер Политехничный Институт. Он єст сыном Николая Кукуляк, живущого в Бристол, Конн.

Коли Николай был в высшых школах, принимал активне участие во всіх галузях активности, в котрых часто попадал выбраным в президенты. Он получил медаль от Народного Почтения Общества и был разом в группі шести студентов избраных на выставу инженерскых проєктов, котра отбывалася в Колизеумі в Нью Йорку. Он был тоже принятый в высшу школу Народной Научной Фундации в Тринити Калледжу в Гартфорд, Конн., где студию вал Аналитичну геометрию и Установлену Теорию.

Як на його вік, то он являтся и теперь президентом многочисленных научных групп, а тоже групп спорта. Он тоже брал участь в выступлениях по телевизии на программах “Світло на успішну будучность”, в Гартфорд, Конн. Он получил медальну награду, як побідитель в математичных соревнованиях и так звану Елк Достойного Студента надогороду в додатку надгороды из фонда Дженерал Електрик.

Молодый Кукуляк посіщат теперь Тринити Калледж и намірят стати хемичным инженером. Молодому Кукуляку желаме счастливых успіхов и надале.


ИВАН ПЕТРИКОВИЧ

Ivan Petrikovich

Члены нашой народной организации Лемко-Союза ч. 8 в Филадельфии повідомляют всіх и отдают честь нашым членам Л. С. и. читателям газеты “Карпатека Русь” Стефану и Марии Петрикович, што дали высоке образование сынови Ивану Петриковичу, котрый недавно стал адвокатом и открыл свою канцелярию.

Отец молодого адвоката, Стефан Петрикович, родился в селі Шляхтова, повіту Новый Торг, на Лемковині, а його жена Мария родилася в селі Яворкы, того самого повіта. Они приiхали до Америкы молодыми минуло 55 роков тому глядати, як и всі мы лучшой долі и обеспечения свого хліба. Скоро по прибытию до Америкы они повінчалися и выховали двоє дітей: дочку и сына Ивана, котрого по окончению “гайскул” послали до калледжу и университету.

Из Пеннсильвания университету, где он учился, был позваный на воєнну службу Соєдиненных Штатов.

Он служил в морском флоті США. По окончению службы он повернул докончити университетскы наукы, с котрых на отлично сдал екзамены и получил диплом доктора прав, и открыл свой офис под адресом 851 Норт 5-та улица в Филадельфии, Па. Мы рекомендуєме нашым людям во всіх правных справах и за порадами звертатися до свого русско-лемковского адвоката, а он постаратся своим людям дати як найлучшу услугу, порадит и поможе. С ним сговоритеся на свойом материнском языку.

Желаме обоим родичам адвоката Ивана прожити много літ в добром здоровью, а самому адвокату Ивану Петрикович доброго успіха в його адвокатской профессии и для добра и славы нашого народа, с, котрого он вышол.


Петро Олесневич,
Филадельфия, Па.

ИВАН ГАРБЕРА

JohnGarbera

Меже нашом молодежом особливым талантом выділятся Иван Гарбера из Нью Йорку. Иван Гарбера, то сын Теодора Гарберы из Мохначкы, Новосандецкого повіта и Терескы из роду Русиник из села Ростайны, Ясельского повіта на Лемковині. Кромі сына Ивана у Гарберов єст молодший сын Дональд.

Иван Гарбера от дітинства одареный до рисунков и с ростом розвивал свой талант. Теперь он працує в артистичном студио в Нью Йорку, а поза свои годины помагат при недавно начавшомся издательстві молодежного журнала “Лемко”. Рисунок на окладні журнала “Лемко”, котрый уж был два разы зміненый, то його робота. Каждый, кто увиділ тоты рисункы, признат, што то выконала рука талантливого и добре школуваного артисты. Його перу принадлежит так само портрет Д-ра С. С. Пыжа, котрый был поміщеный в журналі и газеті “Карпатска Русь” минувшого року в часі рочницы його смерти.

Иван Гарбера являтся арт-директором артистичной части “Лемко” журнала, он подготовлят нову окладну журнала, портрет великого лемковского поета Ивана Русенко, портрет великого лемковского ученого минувшого столітия  

Дениса Зубрицкого и др. (Для тых, котры не виділи окладинок “Лемко” журнала, подаєме информацию, што они были уміщены на задніх крылцях нашого календаря минувшого 1961 и сего 1962 року).

В будущом ище нераз будут показаны в нашой литературі його роботы, котры, трудно повірити, што были зроблены людскыми руками, а не аппаратами.

Кромі того слідуюча стародавна лемковска повіданка “Злым за добре платят”, котру за молодых літ Ст. Кичура уложил вершом, минувшого року Иван Гарбера попробувал иллюстровати тоту старинну вершкувану оповіданку, полну философии и правды.




[BACK]