Теодор и Анна Ющак
Теодор и Анна Ющак, Theodore and Anna Yeosock
Теодор и Анна Ющак

Минувшого 1961 року, 17-го октября торжественно обходили 50-рочный юбилей свого супружества Теодор и Анна Ющак. Обоє Ющакы походят из села Мацины Великой, повіт Горлицы на Лемковині.

Теодор приіхал до Америкы в 1906 року, ку брату Томку Ющак в Виндсо Лейк, Массечуссетс штаті и там достал роботу. Потом переіхал до Олифанту в Пеннсильвании, и там поробил пару літ в угльовых майнах, але же роботы планно ишли, то переіхал до Филадельфии глядати повой роботы.

В 1911 року оженился с Анном из роду Смакула, котра приіхала до Америкы в 1909 року. По десятьох роках переіхали до Полсборо, Нью Джерзи штат, там собі купили дом и там мешкают дальше.

Теодор робил в Сакони Вакум Ойл Ко., высше ЗО літ, а теперь уж на пенсии 10 літ. Выховали пятеро дітей, двох сынов и три донькы. Всі женаты и всі устроили своим родичам забаву в честь их пятдесятлітия супружества, на котру запросили близку родину, на котрой ся всі весело забавили до поздной ночы.

Подчас забавы Василь Ляховин от имени всіх гостей выразил пожелания доброго счастья и здоровля на многы літа, а так само вспомнул за пресс-фонд нашой народной газеты “Карпатска Русь”, на котру гості сложили 25 долларов.

Подяка гостям за жертвы, а юбилянтам пожелания многых літ.


Гость.
Филадельфия, Па.



[BACK]