Село Варадка — Федор Риндик

В селі Варадка, округ Бардейов, подобно, як и во всіх другых селах милой Пряшевщины, остаются сліды культуры нашых предков, остаткы котрых можна ище и днеска запримітити, а гдекотры осталися лем в людском переданию.

Mother
Мати артиста о. Бориса и сама артистка малярка Л. Ткаченкова.

Перва церковь в Варадкі была поставлена в 1340 году на місци в буковині за Сеничовом хижом. Тоту церковь дал поставити князь Федор Курятович, як пришол из России в 1330 г. с около 40 тысячами народа, штобы не позволити весь русский народ оттіснити от Буда-Пешту из богатых земель до слабоурожайных Бескидов. В Буковині коло церкви был цминтзрь за фарскыми Полянками. Раз о. Емиль Копыстянский дал цминтарь поорати и засіял овсом. Його отец о. Йоанн Копыстянский был уж в тот час в Пряшові на пенсии, то повіл сынови, што он преступил церковный закон. Он заказал еынови косити овес, то го выпас коровами.

Друга церковь была поставлена в 1555 року. Она стояла аж до 1915 року, коли єй мадьяре спалили, бо им припоминала “мушку”, (москальов).

Painter
Маляр-артист о. Борис Ткаченко

Третья церковь была поставлена в 1924 року. Грошей было дост на мурувану церковь, але побудовали єй по старому стилю с дерева, але женам дали кредит, же про их протест, же они не хотят в камінной церкви ревматизм достати. В той остатьной щеркви Варадчане в Америкі соберали жертвами 438 долл., и дали поставити новый иконостас, котрый был посвященый 14 и 15 октября минувшего 1961 року. Теперь Варадка получила молодого свящнника о. Федора Демчика. На Покровы мал першу отправу.

А иконостас вымальовал им родовитый талант, унаслідуваный по свойой мамі, о. Борис Ткаченко, из села Матисова, округ Пряшев. Йому помагала 68-рочна мама малярка Л. Ткаченкова. Они обоє різьбаре и маляре.


Protection
Образ Покровы, роботы о. Б. Ткаченко

Я, Федор Риндик, разом с єдносельчанами варадчанами, котры зме зложили свои жертвы, складаєме благодарность як о. Борису и його старенькой матери — матушкі из Лукова, за так прекрасну роботу, котру они выкончили в традицийном стилю нашой Пряшевщины. Спасибо Вам русское.

На Покровы, коли посвящалася церковь, 14 и 15 октября м. р. до Варадкы зышлася ціла Маковица. Посвящение отбылося в притомности православного епископа Дерофея из Пряшева.


Федор Риндик,
Байонн, Н. Дж.



[BACK]