Купалося Дівча в Ставі — А. А. Ц.
(Стародавна лемковска співанка,
ище от панщизняных часов)

Купалося дівча в ставі (2)
А конь пасся в панской траві. (2)
Пан староста іхал с поля, (2)
Занял коничка до двора. (2)

Як ся дівча довідало,
По коника полетіло.
Дає пану три таляры,
Єден новый, а два стары.

Дівче, дівче сховай собі,
Лем мня на ночь прими к собі.
Дівча таляры сховало,
Пану ночку обіцяло.

Як пан будеш по вечері,
Та най приде до коморы.
Лем през сінка тихо ступай,
Подковечками не дуркай.

Бо моя мать чуйно лежит,
Як почує, зарас біжит.
Служка, служка, вставай з лужка
Бо в коморі штоска дуркат.

Ниж ся служка с лужка сточил,
Пан с коморы уж выскочил.
Як выскочил, лем сой свиснул,
Подковечками сой тріснул.

Мила, мила зостан здрава,
Я кавалер, а ты-с вдова.
Я кавалер под перечном,
А ты-с вдова под чепечком.

Хоц бы-с сіла на сто коней,
Уж ты мене не догониш.
Хоц бы-с сіла и на триста,
Уж не будеш дівка чиста.


Подал

А. А. Ц.,
Бронкс, Н. Й.

—————o—————



[BACK]