Мы и Родный Край

Наш світ постоянно иде к новым высотам наукы и прогресса. Новы достижения родят новы идеи. Прогресс не лем же иде вперед, но и што раз быстрійше и што раз ширшым фронтом.

Согласно высше сказаного и минувший 1961 рок был роком многых несподіванок, многых открытий и познаний. Новы досягнения тоже створяют новы проблемы и затруднения; круг діятельности все ширится; треба жити в новых обставинах и привыкати до них, а то не все єст так легко. Наступают нераз розочарования и недовірчивость до многых новых вынаходов, но познана нова наука, уж не може быти опровергнена и остаєся при людях, входит в их систему житья.

Были даколи річы, о котрых человік не знал и свободно обходился без них, а в теперішных часах он просто не може жити без них, а будут ище и такы річы, о котрых мы днеска не знаме, а будущий человік вынайде их, и не буде мог обойтися без них в свойом житью. Минувший рок был именно такым роком, в котром люде познали дуже много невідомого им до того часу и они ище и днеска не знают, яке значение будут мати минувшорочны вынаходы людского розума и техникы. Тото оцінит аж далека будучность.


21stCon
Предсідатель місцевого отділа Лемко-Союза в Кливланді, Осиф Дзямба, привітствує делегатов ХХІ съізда Л. С. в их народном домі и уступат місце Головному Предсідателю Ивану Адамяку для открытия съізда.

Подобный процесс прогрессу, як в великом світовом розмірі происходит и в меньшых кругах и обществах людского житья. А подобно, як в світовом розмірі, в 1961 р., наступил даякий прогресс и в нашом общественном лемковско-карпаторусском народном житью. Тых успіхов и наслідствий от них не всі ище можеме предвидіти, но они покажут свои плоды в будучности.

В нашом организацийном житью мы посувалися вперед, помалы с трудом и перешкодами, но мы смільше смотриме в будучность свого народа теперь, як рок тому. Мы запримітили громаднійшу активность в нашых организацийных рядах судьбом свого народа, як попередно.

Поза другы достижения, якых мы добилися минувшого року, дуже важными событиями были съізды нашых организаций, в Соєдиненных Штатах съізд Лемко-Союза, котрый отбывался в Кливланді в днях 2, 3 и 4 сентября, и съізд Карпаторусского Общества в Канаді, котрый состоялся в днях 7, 8 и 9 октября. Оба съізды прошли с замічательным успіхом. Канадский съізд был утішительным явлением зато, што он был первым послі десятлітной перервы, а то означат отновление и консолидацию нашых народных сил в Канаді.

Съізд Лемко-Союза в Соєдиненных Штатах остане извістный тым в його истории, што с тым съіздом започаткувался период передачы и перехода нашых культурных традиций и народных маєтков нашому грядущому молодому поколінию. На том съізді по первый раз приняли участь уж яко законны представители, делегаты молодежных отділов Лемко-Союза. Тоты условия, што молоды заинтересовалися придти на съізд народной организации были створены покупком Лемко-Парка и приступлением к издательству журнала “Лемко” на английском языку.


21stCon2
Делегаты XXI съізда Лемко-Союза в Лемковском Народном Домі в Кливланд, Огайо, отбывшогося 2, 3 и 4-го сентября 1961 года.

Наша народна здравница Лемко-Парк дала можность зойтися разом молодежы нашых членов и нечленов из ріжных місцевостей и познатися. Лемко-Парк стал сборником для нашой молодежы, чым не успіли стати ани нашы місцевы клубы, ани народны домы, ани отдільны предприятия, а журнал “Лемко”, хоц ище бідный, но по свойом журналистичном содержанию уж успіл выразити в умі молодежы потребу организации и представил єй моральну и культурну силу єй народа. Он передал єй такы відомости, о котрых молодежь до того часу не знала, або знала дуже маленько. Через журнал она познає идеи своих родичов, их доброту, котру они так жаждны передати єй, яко своим наслідникам.

Мы не заявляме, што наша молодежь уж перебрала або перебере всю дотеперішну діятельность давных емигрантов и их народны доробкы в свои рукы, мы говориме, што настал период той постепенной передачы, в котром начинатся кооперативна робота емигрантов с молодежом, в часі котрой молодежь познат ліпше діла организации и с часом буде способна сама вести діла и заступити місця своих родичов, пионеров, котры они долгыми роками и тяжкым трудом приготовляли для ней.

Из написов на фотографии съізда Лемко-Союза в Кливланді, поміщеной при рядках сей статьи, читатели запримітят, што кливландчане назвали наш съізд юбилейным, яко 30-ту рочницу. Будут такы, котрым не буде ясно, так як Лемко-Союз основался в 1929 року и його 30-літный юбилей был отміченый два рокы тому назад. Ту обі даты правильны, а для Кливланду тота друга дата має особливе значение. Лемко-Союз, то єст перший його отділ был основаный дня 9 января 1929 року в Виннипегу, Манитобской провинции в Канаді, но съізд делегатов першых отділов Лемко-Союза отбылся больше, як о 2 рокы позднійше в февралю 1931 в Кливланді, на котром была принята єдина программа и выбраный чартер, на котром наша организация законно начала вестися. Чартер был полученый из Колумбус, штатной столицы Огайо дня 1-го августа 1951 року, так в том 1961 року, як раз минуло 30 роков от того дня. На нашом чартері видніются и вічно в истории останут имена кливландчанов, первых удякников централизованого Лемко-Союза — предсідателя Михаила Баволяка, уж покойного, секретаря Стефана Ткача, теперь проживающого в Финикс, Аризона, штат, и кассира Юлияна Федака, тоже уж покойного.


DeleMeeting
Делегатске заседание XXI съізда Лемко-Союза в Кливланді, О.

По причині того юбилею слідує вспомнути, што первый съізд, на котром Лемко-Союз был связаный в єдину организацию, на котром делегаты из другых місцевостей приняли общий устав отбылся в німецкой Манникер Голл, потом погорівшой, при улици 10 Вест и Старкведер евню, в Кливланді, дня 22 февраля 1931 р. Тот съізд отбылся за єдно пополудни, послі чого драматичный лемковский кружок из Акрон, Огайо вечером поставил представление. Потом был выбраный чартер. Но судьба так рішила, што коли Кливланд послужил Лемко-Союзу пеленками и колыском, Головне Правление и газета “Лемко” ради дальшого розвития народной организации перенеслися в восточны штаты в гущу нашой емиграции. Но Кливланд и так сограл громаднійшу роль в житью Лемко-Союза, он набыл прекрасный Народный Дом, в котром из 21 съіздов отбылися четыри в Кливланді, а то 1931, 1947, 1951 и 1961. В том домі ведеся дальше наше культурне и общественне житья. Цілком слушно Кливланд гордится особливо том другом рочницом. Тота гордость єст доказом, што Кливланд остане дальше центром нашых западных территорий.

Коли нашы люде днеска приходят до нашых Народных Домов, до нашого Лемко-Парку або просто вспоминают велику діятельность Лемко-Союза нераз воскликуют: “Ой, чом то мы не мали Лемко-Союза другых тридцет роков наперед!?”

Отвіта на то никто не може дати. Тоты першых тридцет роков, в котрых мог повстати Лемко-Союз пропали марно, бо нашых емигрантов поділили на партии и віры. Вмісто народного житья, мы будували житья посмертне, а молодежь наша тым часом потратилася в гущі и перемішалася с другыми народами. Лемко-Союз выступил на народну сцену пізнувато, коли молодежь уж одышла и йому треба было начинати от початку и соєдиняти тых краянов, котры были розбиты и подроблены религийно, национально и политично. Но тоты, котрых ище удалося соєдинити при Лемко-Союзі выполнили прекрасну роботу, за котру треба погордитися, бо она была проведена при особливо тяжкых условиях. Организации и єй отдільным руководителям треба было вытерпіти ріжны кризисы, натискы, напады и организованы замахы на розбитие народной єдности так тяжко набытой.

И помимо того, што в нашых отділах мінялися люде, миналися отділовы уряды, окружны и головны правления, организация в цілом ишла неустрашеными кроками вперед и дошла до того, што результатами єй рекорду можеме порадуватися сами и погордитися перед своими и чужыми народами.


YoungDeleg
Группа молодых делегатов на XXI Съізді Л. С. в Клизланді из восточной части США. С ліва на право: Иван Бенда, Андрей Цисляк, Надья Єдинак, Павел Чачо и Я. Завойский.

Лемко-Союз має днеска не лем свои Народны Домы в ріжных місцевостях, но и большы институции, як Карпаторусский Американский Центер и Лемко-Парк завдячуют своє существование Лемко-Союзу. То не сут ище стары институции, и то, што в них єст до того часу, то лем початкы того, што надіємеся мати в них в будучности. Маме надію, што с часом в тых нашых институциях, особливо в Лемко-Парку заселится больше число нашого народа, и Лемко-Парк остане, як бы сердцом нашого народного организму и жерелом, в котром нашы будущы поколіния будут глядати и находити відомости и правду о своих предках, о нас, о цілой истории и культурі нашого народа. В том парку с часом повстане школа русской азбукы и нашой народной бесіды, курсы по истории, библиотека с издательствами, архив с документами, музей с примірниками забытой культуры нашых предков. Парк украсится памятниками в честь народных пионеров, патриотов, геройов и мучеников за народ, памятниками світлійшым людям на поли культуры и наукы. Он стане місцом встрічы нашых поколіний в Америкі с поколіниями нашых братов родного краю и всіх другых краянов емиграции або переселения нашого рода.


YoungCleve
Молодежь Кливландского хорально-танцорского кружка, открыват торжественно головный съізд Л. С., а слідуючого дня выступят в концерті в честь делегатов.

В том напрямі нам треба думати все и без розочарования терпеливо в том направлению працувати. В той роботі, подобно, як и в прошлом, будут падати нам поперек дорогы всякы колоды, будут пхатися ку нам и мішати нашу роботу всякы опортунисты, демагогы и шкодникы всякого сорта и всякого розміра. Люде и уряды будут мінятися, будут ліпшы и слабшы уряды, но институция сама по собі буде идти постепенно вперед до высшой, культурнійшой степени, до такой, якой будут вымагати новы часы и новы условия. Но она буде служити народу. Мы будеме радуватися каждому єй успіху, бо будеме памятати, што то єст діло нашых рук и все и перед каждым похвалимеся, што не жалуєме нашых жертв, нашых трудов и нашой трапезы.

То што относится до нас ту в Америкі.

С неменьшым трудом и добрыми результатами провели діятельность в 1961 року и нашы братья там на родных землях в Карпатах. Идут дальшы подготовкы для сооружения памятника лемковскым партизанам в Устью Русском, котры пали жертвом в борьбі с німецкым оккупантом нашой родной земли. Культурный кружок народной пісни и танцов дал цілый ряд выступлений не лем на селах Лемковины, але и по містах, познакомляючи свой и чужий народы не так уж о прошлом, як о том, што наш народ жиє, хоче жити, не лем честно працувати на економичном, но и розвиватися на культурном поли. А выступление того лемковского анссамбля в Крайной Поляні и Дубові на Пряшевщині, має своє историчне значение, бо ище не было того в истории Карпат, штобы выступити лично в культурной роботі с братьями по другой стороні склонов Карпатскых верхов.


CleveChoir
Хоральне выступление кружка при Лемко-Союзі в Кливланді на концерті
в честь делегатов.


Як далеко мы поступиме в 1961 року, можна видіти и по том нашом календарю, в котром приняли так живу участь нашы писатели Пряшевщины. Они барже завоювали наш календарь своими творами, чого ище тоже николи попередно не было. А то єст признак морального подъєму нашых народных сил.

Мы счастливы, што в тоту діятельность нашых братов в краю и нам из Америкы далося подати малый вклад, а то жертвами через


ЛЕМКОВСКИЙ РЕЛИФОВЫЙ КОМИТЕТ

Через Лемковский Релифовый Комитет в Соєдиненных Штатах была подана в 1961 року помочь людям в краю, котры не по свойой вині попали в надзвычай трудне положение, и тым селам, до котрых вернулися краяне из насильного выселения, начали помагати собі общыми силами и поднимают до житья знищеный край нашых отцов и дідов.


Tractor
Регетов на Лемковині.—Манцинерия, закуплена для регетовяков Лемко-Релиф Комитетом из Америкы. Подобну и много другой машинерии получили с того самого жерела в 1961 р., кромі Регетова, село Ждыкя, Новица и Розділя, Горлицкого повіта. Трактором в Регетові управлят Семан Гойсак.

На нашы села посредством Лемко-Релифа была выслана сумма 5.750 долларов (пят тысяч сімсот пятдесят долларов), за котры селяне Ждыні, Регетова, Новицы и Розділя получили машинерию, включаючи тракторы для механизации своих господарств. Місцевый дорадчий комитет Лемко-Релифа там на місци слідит за тым, штобы машинерию призначити тым селам, где єст их найбольша потреба. Перед самым выходом нашого календаря с печати Лемко-Релиф Комитет мал в плані высылку до краю другых 5 тысяч долларов для помочи иншым селам Лемковщины. Сут відомости, што до теперь на Лемковщину повернуло 10 тысяч 366 душ из около 100 тысячов душ выселеных на запад Польшы, и повольно и незамітно отдільны родины повертаются дальше. Помочь из Америкы дає для нашого народа надзвычай великий не лем материальный, але и моральный подвиг.

Кромі того, через Лемко-Релиф, тоты, котрых постигла найгорша судьба с хворотами або каліцтвом, получили приличну помочь из специально собраных фондов.

Для молодого дівчате, удареного параличом, Євы Ольгы Качмарчик, собрано и переслано 1.021.60 долл. Тому дівчатю потом трафилися доброго сердца люде, котры забрали го на вылічение до Бельгии. Утратившому ногу Стефану Сиротяку в Гладышові 457 долл., Теодору Жилишин из Панкной, тоже утратившому ногу 194.50 долл. Для Параскы Зинской из Кодваркы, тоже утратившой ногу 153.00 доллары. Спаралижованому Василию Корба в Ліщинах 75 долларов, а отдільным людям выслано высше впол тысяча пакунков новой и приношеной одежы и столько же людям дробной помочи от 5 до 10 долларов каждому.

На реперовку храмов, историчных забыток было собрано 200 долл. для Сянока и 416 для поправы храма и Талергофского Памятника в Перегримкі. Кромі того несчастным людям была послана приватными людьми просто на их имя додаткова помочь.


Cows
Село Регетов на Лемкоивні. — Пастух Союза выхову грубой худобы Косма Циркот деглядат свойой роботы, як ока в голові, бо то означат добробыт родного села и народа цілой державы.

То была в короткости участь нашых организаций в братской помочи, котра, хоц не велика, но не буде николи забыта.

Правда, мы не успіли завершити чуда й помочи каждому и задоволити всіх. Но тота помочь и участь наша для народного добра, так як посіяне зерно, котре плоды даст аж под осінь. А тото зерно, в 1961 року было нами посіяне, и теперь треба його дальше неустанно доглядати, штобы оно принесло нам плоды и радость, и ту на американской ниві и там на прадідной нашой ниві в Карпатах.


Canada
Делегаты Ѵ Съізда Карпаторусского Общества в Канаді. Съізд состоялся в днях 7, 8 и 9 октября 1961 года, в Карпаторусском Домі, в Торонто, Онт., Канада.

Нашы организации, Лемко-Союз и Карпаторусске Общество были организованы на народном фундаменті для материальной и культурной помочы, так на емиграции, як и там на родных землях, котру мы або нашы предкы, по причині материальных або политичных условий мусіли оставити. Но земли нашых отцов мы николи не отрікамеся, мы все любиме свой край и своимеся до него, бо то наш. И нам мила наша давна отчизна. Мы все о ню памятали, вспоминали и подавали єй помочь. И мы намірены помагати дальше, бо світ и житья на нем не стоит на єдном місци, они міняются, и быти може, што придут такы часы, што мы не лем будеме часто отвиджати наш край, но може и будеме глядати у него даколи помочи, так як діти, хоц часом покончат школы и обыйдут світом, але до свойой матері вернутся за добрым словом, порадом, а часом и помочом.

А край нашых прадідов, то наша мати, котру мы любиме и старамеся єй в тяжкых часах помогати.




[BACK]