Академик В. БІЛОУСОВ
Земля и Венера — В. Білоусов

На первый взгляд може показатися, што полет автоматичной межепланетной станции до Венеры, находящойся в росстоянии на досяткы милионов километров от Земли, не має киякого отношения к изучению нашой власной планеты. То не совсім правильно. Изумительне достижение совітской наукы и техникы открыват новы перспективы не лем перед астрономиом и астронавтиком, но перед науками о Земли, геофизикі, геохимии, геологии.

Ище многе во внутренной жизни нашой планеты для нас не ясне. Относительно причин движений земной коры, горообразования, поднятия к поверхности ростопленой лавы, образование материков и океанов мы до того часу можеме лем высказувати предположения. Много неизвістного остаєся в проблемі происхождения Земли, а также в истории воздушной и водяной оболочин, окружающих земный шар. Рішение вопросов, связаных с процессами, происходящими внутрі земного шара и являющимися причинами горообразования, землетясений и вулканизма, требує, конечно, проникновения научной аппаратуры в глубокы нідра Земли. Но разом с тым выяснению тых “внутриземных” процессов во многом може содійствовати сровнительне изучение Земли и другых планет, в перву очередь тых, котры росположены найбольше близко к Земли, и котры в той або иншой мірі сходны с ньом по своим основным физичным свойствам. Такыми сут напередвсего Венера и Марс, а также близкий Земли спутник — Місяц.

Сровнительне изучение планет геофизичкой точкы зріния представлят огромный интерес зато, што всі планеты нашой солнечной системы образовалися в результаті процесса сгущения єдиного протопланеткого порохового облака и дальше их розвитие в свойой основі должно подчинятися єдиным законам.

Так, напримір, можна думати, што, будучи составленными из вещества наділенного радиоактивностью всі планеты послі свого образования выдержали розорівание. Под влиянием послідного в нідрах всіх планет должно происходити постепенне выплавление больше легкого металла, котрый двигатся к поверхности, тогды як больше тяжкый метериал осідат по направлению к центру планеты.

Именно такым путьом образувалася на земном шарі относительно легка земна кора, тогды як больше глубокы нідра Земли сложены из больше тяжшого материала. При радиоактивном выплавлении легкых материалов из глубин планеты выділяются газы и водяны пары. Слідує думати, што именно так образувалася первоначальна атмосфера Земли и єй океаны. Всплыванию ростоплеьных “міхиров” легкого материала вызыват поднятие поверхости планеты. Таке явление може привести к образованию гор и к вулканичным извержениям.

Єднако в розвитии процессов, происходящих на ріжных планетах, должны существовати ротличия. Они можут обусловлюватися ріжными факторами, но головным образом по причині розміров и массы планет, расстояниями от солнца, присутствием або отсутствием жизни на их поверхности.

Напрмір, Місяц, обладаючи массом, значительно меньшом от Земли, не удержал на собі атмосферы и зато лишеный як газовой, так и водяной оболочин. По той причині процессы на поверхости Місяця происходят не так, як на Земли. На Місяцу отсутствує розмыв пород водом, перенос и отложение осадков потоками воды и вітра. На земли тоты именно процессы грают основну роль. На Місяцу можна предполагати ростріскувание пород лем под влиянием огромных колебаний температуры и ссыпание обломков пород склонами гор.

Но мала масса, або другыми словами, мала сила тяжести, должна влияти и на глубинны процессы. И може быти, тым объяснятся, што в отличие от вытягнутых горных хребтов на Земли, на Місяцу преобладают круглы горны образования в виді цирков. Малый розмір Місяца должен был способствовати його быстрому охолождению послі первоначального радиоактивного розгорювания. В связи с тым Місяц, видимо, лишеный густого ядра, яке существує внутри земного шара.

Физичкы свойства Венеры значительно ближе к земным. По своим розмірам и массі она лем немного меньша нашой планеты. Зато можна ожидати, што розвитие єй нідр и єй поверхности происходит барже так, як розвитие Земли. С той точкы зріния изучение Венеры представлят совершенно исключительный геофизичный интерес.

Но Венера росположена ближе к Солнцу чым наша планета. То обстоятельство могло привести к деякым отличиям в химичном составі того первоначального материала, из котрого сложены тоты дві планеты. Кромі того, то могло существенно повлияти на розвитие жизни. В теперішны часы считатся віроятным, што густа атмосфера Венеры состоит переважно из углекислого газа. Но сут вполні достаточны основания вірити, што и земна атмосфера первоначально состояла из углекислого газа. Єсли же сейчас в ней содержатся большы количества кислорода и азота, то то связане с послідующими измінениями складу атмосферы под влиянием жизнедіятельности организмов.

Ростительны организмы, споживаючи углекислый газ, выділяют кислород, и именно они и явилися причином появления в нашой атмосфері кислорода, необходимого для розвития сложной животной жизни. Возможно, што на Венері, благодаря дуже большой близости к Солнцу и дуже выстой температуры, жизнь не могла розвитися, и єй атмосфера зато сохранила свой первоначальный состав. Но глубинны процессы на той планеті, єсли правильны нашы общы представления о розвитии планет, должны происходити згодно с аналогичными процессами в нідрах Земли, и зато можна ожидати на поверхности Венеры гористы ланцухы и вулканы такого же типа, як на земном шарі.

Но, а єсли, познакомившися ближе с поверхностью Венеры, мы не найдеме там такых гор и вулканов, як на Земли? Тогды нам треба задуматися над причинами того и над тым, ци правильны сут нашы теории о розвиненню планет вообще и Земли, в особенности. Нам придеся пересмотрити нашы взгляды на характер и тых процессов, о котрых мы предполагаме в нідрах Земли.

В том заключатся важность изучения другых планет с точкы зріния наук о Земли. Поровнания другых планет с нашом Земльом позволят по-новому подойти к оцінкі существующих геофизичных и геологичных теорий, провірити их.

Такым образом проникновение познаний человіка в нескончены глубины космоса открыват новы пути и для тых наук, котры занимаются изучением нашого земного шара.




[BACK]