Петро Олесневич
Peter Olesnevich, Петро Олесневич

Петро Олесневич, проживающий в Филадельфии, Па., являтся єдным из многых активных и вытревалых в народной роботі Лемко-Союза патриотов.

Петро Олесневич родился 10-го февраля 1890 року в селі Мирна, бывшого Грибовского повіта на Лемковині. До Америкы, в город Филадельфию приіхал 12 июня 1910 року.

В 1918 року 10 сентября, он женился с дівчином Елисаветом, дочком Константина и Ксени Андраш, походящой с того самого села.

Коли в Филадельфии 2 июня 1932 року организовался отділ Лемко-Союза ч. 8, Петро Олесневич належал до першых членов-основателей того отділа, и остался беспрерывным його членом до теперішных часов. Он занимал постоянно уряд в отділі. Перший раз он был выбраный делегатом на третий съізд Лемко-Союза, котрый отбылся в Соколовні в Юнкерс, Н. Й., в 1934 року, и от того часу был постоянным делегатом на съіздах.

Ход отділ Лемко-Союза в Филадельфии николи не возрос до великых розміров в свойом членстві, то маючи в проводі активных урядников, такых, як Петро Олесневич, безкорыстно працуючых для добра свого народа, карпаторусской организации Лемко-Союза и для народной газеты, отділ в Филадельфии выполнял велику діятельность в финансовой поддержкі и укріпленню народно-общественного житья в Америкі.

Желаме другу Петру Олесневичу доброго здоровья и счастья и сил до дальшого труда.




[BACK]