Тепер на Лемковщині — Иван Русенко
А тепер смутно, там в Карпатах,
Нигде не звонит в церквах звон,
Не видно там нашого брата
— ани в Высові,
— ани в Лабові,
Вшиткы вон!

Лемковской не чути бесіды.
Затихли пісні серед гор
Лем духы дідов-пра_прадідов
блукают сами
меже горами
С бору в бор.

Гей, нашы лемкы в Кошалині,
В Зеленой Горі плечы гнут,
А в родной нашой Лемковщині
репатрианты
и оккупанты
Всяди сут.

Гей, бідны лемкы выселены,
От Одры — Нисы по Дон-Бас
А села, поля залишены
опустошали
позарастали
Терньом зас.


20. ІІІ. 1959 р.

Карелу С. Т.
в Бориславі

Русенко.



[BACK]