Повінчуваня на 1961 Год — Василь Федак
ПОВІНЧУВАНЯ НА 1961 ГОД

С Новым Роком Вас витаю,
Здравля, счастья всім желаю:
В Америкі, в Старом Краю,
В Канаді и Уругваю.

Тым, што жиют в Америкі
И працуют во фабрикі.
Най си з легка порабляют.
Добру пейду получают.

Старшим людям жичу того,
Бы дожили віка свого.
Бо пенсию всі достают;
Всі Рузвельта выхваляют.

Лемко-Союзу желаю,
Най розвиватся на славу;
Най наберат до ся силы.
Най ратує братов милых.

“Русь Карпатску” най всі читают,
Як світ иде, най всьо знают.
Тоты с нас, што єй читаме —
Бельку радост с того маме.

Но не треба забывати.
Же єй треба поддержати,
И при всякой случайности —
Пресс-Фонд соберати.

А здрадникам жичу того,
(Што отреклися отцовского)
До честной роботы стати.
Баламуту перестати.

Русскых газет редакторам,
Діятелям, ораторам.
Най Бог пошле сил охоты.
До народной, до роботы.

Теперь Лемко-Парк наш маме,
В зимі, в літі ся сходжаме,
Спочиваме, отдыхаме,
Мудре діло подивляме.

Собрания ту отбываме.
Як братья ся нараджаме.
Мали зме там и панихиду
За нашых отцов и дідов.

Што погибли героями
В борьбі с ворогами,
Родный край наш защищали,
Замучеными остали.

С Новым Роком я каждому —
Старому, ци молодому,
Жичу счастья в цілом світі —
В мирі и любви жити.


Василь Федак.
Юнкерс, Н. Й



[BACK]