Комитет Лемко-Релифа При Соборі

Всім русскым, карпаторусскым и украинскым людям в Америкі должно быти відомо, што при Патриаршом св. Николаевском Соборі в Нью Йорку дійствує отділ Лемко-Релифа на весь Нью Йорк и його окрестностей, Бруклин, Лонг Айленд, Н. Й. и Джерзи Сйти, Н. Дж.

Отділ был организованый 17 января 1960 года. Пакункы прислали из Бруклина: Иван Ханат 1 п., Иван Стах 4 п., Семан Морох 16 п., родина Юрковскых 10 п., Василий Вархоляк 1 п., Мария Стебницка 1 п., Даниил Найдух 2 п., П. Мусял 2 п., Фенна Ханас 1 п., Иоанна Цьорох 1 п., Параска Кукулка 1 п., Стефан Сарафин 1 п., свящ. Матолич 1 п., матушка Касаткин 1 п., и незнаный 1 п.

От 17 января до 17 ноября 1960 року при св. Николаевском Соборі отділ Лемко-Релифа собрал на помочь братьям в краю 840 долл, и 50 пакунков. Кромі того секретарка Л. Релифа Єва Юрковска собрала на поправу церкви в селі Перегримка на Лемковині 374 доллары.

Патриарший Собор 15 Ист 97 ул. в Нью Йорку являтся центром Лемко Релифа для округа Нью Йорк, Лонг Айленд и Джерзи Сити, Н. Дж.

Жертвы, одежу и обувь можна приносити до собора в каждый день тыждня. Жертвы будут переданы Главному Комитету Лемко-Релифа для пересылкы в старый край, а одежа и обувь будут посортованы, запакованы и высланы нуждающымся родинам и отдільным особам в Польші.


Василий Вархоляк, Предсідатель
Єва Юрковска, Секретарь
Юрий Млинарь, Кассир.



[BACK]