Василь и Юстина Гавриляк
Василь и Юстина Гавриляк, Vasyl and Justina Havrilak

Дня 10 января 1960 року сполкилося 50-літие супружества Василя и Юстины Гавриляк из Монессен, Па. Юбилей устроили им их любящы діти, котры зышлися того дня до их дому и в тоту важну рочницу розвеселили своих родичов, чым доказали велику любовь и почтение для них.

Василь Гавриляк родился в селі Тыляві, Кроснянского повіта, на Лемковині, а його жена Юстина в селі Липовец, повіту Санок. Василь приіхал до Америки до міста Монессен, Па., в 1907 року, а Юстина приіхала до Америки в 1906 року до Нью Йорку. В 1910 року они женилися в русской православной церкви в Джерзи Сити, Н. Дж.

Они виховали красну фамилию — дві дочки и трьох сынов. Всі они уж на свойом місци, то єст дівчата с поотдаваны, а хлопці поженены. У них всіх уж єст осмеро дітей, то єст осмеро внуков нашых юбилянтов.

Обоє Гаврилякы жизнерадостны люде, бо обдарены добрым здоровьем, чого желаме им ище на многы и многы літа.


Краян и друг юбилянтов,
Монессен, Па.



[BACK]