Лемковскы Колысанкы
Люляй, же мі, люляй, кед мі машь люляти,
Бо я не мам коли тебе колысати.
Люляй, же мі, сыну, хоц єдну годину,
Усний мі и зо дві, даст ти пан Бог добрі.
Усний же мі, усний, великий выросний,
Великий, як и я, білый, як лелия.
Колышь же ся колышь, колысечко сама,
Жебы я си пошла до роботы с рана.
Люлю, же мі, люлю, вшию ти кошулю,
Як не будешь спати, вшию ти кабатик.
Люляй же мі, люляй, лем ся не утуляй
С той новой колыскы до чорной земличкы.
Люляй же мі, люляй, колышу я тебе,
А як ты мі уснешь, то я лишу тебе.
Колысала бы-м тя и во дни и в ночи,
Жебы-м ся по тобі дождала помочи.
Ой, сыну мой, сыну, я про тебе гину,
Ни во дни, ни в ночы, нигда не спочину.
Ой, люляй мі, люляй, сыну мой молодый,
Як ся постарію, не подашь мі воды.



[BACK]