Николай И Стефания Томашовский

Николай И Стефания Томашовский

Для вірных читателей нашой газеты и членов Лемко-Союза Николая и Стефании Томашовскых был устроєный величавый юбилей их супружества 31 мая 1959 року. Устроили тото торжество их любимы діти: Стефан, Анна, Борис, Павлина, Владимир и Юлия. Павлина пришла на праздник аж с к Аляскы, где працує для правительства США.

Николай Томашовский походит из села Перегримкы, Горлицкого повіта на Лемковині, а жена Стефания из роду Прислопский походит из села Чорного, в том самом повіті. Они женилися в катедральном русском православном соборі св. Николая на 97 ул. в Нью Йорку. В 1913 року переселилися в Гери, штат Индиана, в місцевость тяжкой желізной индустрии, в котрой Николай выробил полных 44 рокы, и дождался красной пенсии.

На тото торжество пришла много родины с далека, як Данько Мищовский из Нью Йорка, Мария Павлик ро сыном и невістом с Пеннсильвании, Антон Свянтко из Аликвиппы, Па., Петро Дутканич из Чикаго, Илл., и ціла фамилия Марковичов из Геммонд, Инд. Не приіхали, але не забыли прислати снопок квітя діти покойного уж брата Стефании из Вотербери, Конн.

Послі богатого и веселого обіда заграла музыка при котрой гості с юбилянтами бавилися до поздной ночы, но при той веселости не забыли и за жертву на пресс-фонд “Карпатской Руси”. Они собрали 62 доллары. Подяка гостям за жертвы, а нашым дорогым юбилянтам Николаю и Стефании Томашовскым жичиме много літ счастливой жизни.


Елена Демчак.
Гери, Инд.



[BACK]