Лемковский Релифовый Комитет
Certificate
Копия Чартера Лемко-Релиф Комитета, утвержденного Ньюйоркскым Штатным Департментом в Албани, Н. Й., дня 21 января 1959 року.

В 30-ту годовщину Лемко-Союза припала ище една дуже важна подія, а то организация Лемковского Релифового Комитета и отбытие Лемковского Релифового Конгресса.

Правда, што Лемковский Релифовый Комитет в Америкі существує уж высше 15 літ, но и то правда, што послі свого основания и початку великой роботы и ище большых планов, он завмер на долы рокы по причині неясной политикы в краю относительно нашого лемковского народа. Но два рокы тому назад, коли положение немного прояснилося, робота Лемко-Релиф Комитета другий раз была обновлена и рушила с полном силом вперед, и то в таком масштабі, што за два минувшы рокы аж на два заводы делегация Лемко-Релиф Комитета была посылана в Польшу, где при другом поізді подписала с Польскым Правительством в Варшаві договор о материальной помочи лемкам так оставшым жити на своих господарках, як и тым, котры повернули из Запада на Лемковину, як и тым, котры выбрали собі Запад, яко місце свого постоянного жительства.

Хоц робота в том напрямі затяглася на довший час по многочисленных причинах, як то звычайно мож сподіватися послі довгой культурно-душевной розлукы и нищительной войны, но дальша діятельность не лем не была розбита, а напротив приведена до консолидации и порядку. А тым роком, в котром того удалося досягнути, был минувший 1959 рок, бо в том року Лемковский Релифовый Комитет, котрый существувал при боку Лемко-Союза выбрал чартер 21 января 1959 р., и поширил своє поле діятельности и на Канаду, а 12 и 13 июня был созваный Лемковский Конгресс в Карпаторусском Американском Центрі в Юнкерс, Н. Й. В том Конгрессі приняли участь Главны Урядникы Лемко-Союза и Общества Русскых Братств и делегаты тых обох организаций кромі делегатов из другых организаций, братств, клубов и парафий. На том Конгрессі была проведена громадна робота, бо был принятый устав Лемко-Релиф Комитета, намічены планы дальшой роботы, а для єй проведения выбраный Главный Комитет на три рокы. До Комитету вошли:


Петро Гардый, Предсідатель
Адв. Алексий Русин, 1 Містопредс.
Адв. Яков Русин, 2 Містопредс.
Ярослав Кобан, 3 Містопредс.
Прот. Йос. Федоронко, Фин. Секр.
Прот. Роман Саміло, Рек. Секр.
Иван Малютич, Кассир

Контрольна Комиссия:


Йосиф Фрицкий
Николай Буберняк
Николай Цисляк.

Послі Лемковского Конгресса была объявлена кампания для сбору жертв на помочь родным в краю. Тота кампания не буде николи ани для никого закрыта. Жертвовати в Лемко-Релиф може каждый, коли має на то добру случайность, но каждого краяна моральным обовязком єст жертвовати штоси на поднятие свого войном пострадавшого и повоєнным замішательством окривдженого народа. Хоц кампания началася повольно, но она зато поширилася на цілу Америку и Канаду. Приходят постоянно жертвы от приватных людей, от отділов, клубов, братств и парафий. Приходят жертвы грошами и поношеном одежом.

Лемко-Релйф Комитет помагат всіми способами, но головный метод буде коллективна поддержка, головно инструментами, знарядьом и машинериом, бо мы віриме, што лем така помочь єст найбольше им потребна, абы нашы лемкы уж мами чым собі заробити и поліпшити житье, коли поток помощи из Америкы присхне, бо віроятно, же на вікы не буде продолжатися. Ище завчасу предвидіти, но мы віриме, што Лемковский Релифовый Комитет стане Центром всім єдиносельчанскым комитетам, котрых теперь ище не так дуже в Америкі, но при його помочы они повстанут, хоц и независимы отділы до Лемко-Релифа, можут быти организованы. На организование такых отділов Лемко-Релиф має право и он готовый до той роботы, где лем окажеся до того случайность и потреба.


FolkDancers
Дівчата членкині Ансамбля Лемковского Співу и Танцу в Польши. Ансамбль органнзованый Павлом Стефановскым из села Білянкы, коло Горлиц. На фото сут лем тоты дівчата, котры Счастливы были выпожичити собі лемковский строй.

То, што до Лемко-Релиф Комитета по нашой стороні океану всьо на свойом місци, кромі того, што коли настане особлива потреба, тогды конечным буде посиляти Лемко-Релиф Фонд большыми жертвами. До сего часу ище такого показу не было нам дано с другой стороны океану от лемков. Но 13 ноября с. р. уж пришла відомость, што и там приходит до консолидации своих сил. Минувшого літа там в Горлицком повіті организовался Лемковский Ансамбль Пісни и Танцов, и дал на нашых селах пару выступлений, а 24 октября 1959 при Министерстві Труда и Господарчого Планований в Варшаві был зложеный пят-членовый комитет из лемков, знаный як Дорадчий Комитет при Министрестві Труда и Господарчого Планования для справ выполнения договора с Лемко-Релифом. До того Дорадчого Комитета вошли:


Михаий Донский в Жешові
Ст. Мохнацкий в Варшаві
Федак из Полян, тепер на Зах.
Стефан Ванца из Розділя
Теодор Кузяк из Бортного, тепер на Заході.

Тот Комитет провірит потребы лемков в свойой территории и на слідуючых своих засіданиях предложит свои доклады, с котрых єден або два будут приняты и переданы для одобрения так Польскому Правительству, як и Лемко Релиф Комитету для финансового поддержания. В тот способ начне функциовати, то єст войде в житья Лемко-Релиф по другой стороні океану и начне совмістно працувати.

Помочь, як повысше сказано, буде даватися и посылком приношецой одежы, где на то потреба, помочи школам, шпыталям, культурным кружкам и церквам для сохранения их от роспаду, яко культурных забытков, бо то всьо было побудоване нашым народом, но головна увага буде звернена на индустриализацию сельского господарства, на заклад варстатов и предприятий, бо того забезпечат не лем хліб до житья, але посуне наш народ економично высше, до ліпшого условия житья — єдным словом индустриализация выведе нашых лемков из вічной біды.

Восстановление Лемковского Релифового Комитета взяло много труда, змін опінии, а даже недорозуміний, но зато то єст єдным из дуже важных событий минувшого рока.

На головну признательность в руководстві той благородной гуманитарной діятельности, без вмешательства политикы, або религийных возріний, заслугує собі Петро Гардый, уроженец села Юровці, Саноцкого повіта. Сам он пришол в Америку малолітным хлопцом, без средств и без указаний, як устроити житья. И помимо того, што при свойой способности и таланті добился в материальном быті особливых успіхов, он николи не забыл за судьбу свого народа там в родных Карпатах, котру он так близко познал, бо єй сам переживал. Он не лем побудил тоту организацию до житья, но як для родной дітины, отдал много свого часу и выдатков.

Значение Лемковского Релифового Комитета буде в стані оцінити аж будуща наша история. Головным центром Лемковского Релифового Комитета стало мале місточко Симор, Конн., помимо того, што многы предлагали, яко найвыгоднійше для ведения такой роботы місто Нью Йорк. Быти може, што то вопрос будучности, а тым часом розвивайме діятельность Лемковского Релифа, соберайме, жертвуйме и посылайме свои жертвы на його постоянный адрес:


Lemko Relief Committee
P.O. Box 305
Seymour, Conn.

Нашы организации, клубы, братства и парафин можут удержатися без связи зо старым крайом. Но без такой связи они останут бездушны и пусты без всякой ціли.




[BACK]