На Могилі Д-ра С. С. Пыжа
PyshGrave
На могилі Д-ра С. С. Пыжа. Ци в зимі, ци в літі, а при памятнику Д-ра Пыжа все можна встрітити крайнов. На фото: Часть посітителей в часі шторочного шествия к його могилі.

В нашой организацийной діятельности мы ни на минуту не забываме о нашых передовых руководителях и учителях, котры сдышли от нас на вікы. Они одышли от нас лем тілесно, но душевно они остаются с нами, их науком руководимеся в нашом организацийном житью. До такых передовых нашых людей в першой мірі належит наш учитель и руководитель пок. Д-р. С. С. Пыж. Хоц о том теперь аж так дуже не пишеся, то єднак, його память глубоко нами шануєся.

Каждого року годовщину його смерти містный отділ Лемко-Союза в городі Юнкерсі устроює торжественны шествия к могилі Д-ра Пыжа. Народ, котрый того дня собератся в Карпато-русском Центрі на отділове предприятие, выходит найперше на могилу Д-ра Пыжа отдати честь його памяти, а потом вертатся к Центру на предприятие. И минувішого року было таке народне шествие на його могилу, оно буде и сего року и во всі послідуючы рокы.

Нашы люде, котры рідко приізжают из далека до Юнкерс, то обязательно просятся підти с ними на кладбище и показати місце н памятник пок. Д-ра С. С. Пыжа. Хоц бы коли кто зашол там, то могила д-ра Пыжа все находится в чистом порядку, бо Главке Правление Лемко-Союза сложило фонд администрации кладбища за удержание могилы в чистоті, а часто незнаны люде выносят к памятнику, то квіты, то вінці, так што його могйла николи не пуста. При памятнику, ци то в неділю, ци среди тыждня все встрітите когоси с місцевых краянов.

Минувшого року поза тото Главне Правление Лемко-Союза дало робити оливныма красками портрет пок. Д-ра Пыжа, котрым в часі открытия Лемко-Парка и в часі юбилейного ХХ Съізда Лемко-Союза была украшена світлиця засіданий Лемко-Парка. Другий портрет Д-ра Пыжа дал робити уряд Кливландского отділа Лемко-Союза для свойой великой и красивой світлиці их Народного Дома. Оба тоты портреты малювал старенький русский художник Калашников, котрый памятат Д-ра Пыжа с молодых роков, як они встрічалися в кливландской библиотекі, гдеси в 1932 — 1935 роках.

Теперь ище завчасу предвидіти, но быти може, што в будучности погрудье из бронзу можна буде дати зробити для памятника так при КРА Центрі в Юнкерс, як и в Американском Лемко-Парку в Монро, Н, Й.

Мы вірно будеме чтити память тых, котры служили вірно свому народу от початку до конца.




[BACK]