Planets60.php

Звізды, котры мы видиме вечерами по небесном зврді, то планеты, гдекотры из них о много раз большы от нашой Земли. В день тоты звізды не зникают с небесного пространства, лем людске око, озарене лучами солнця не в силі их видіти. Што то правда, можете переконатися, коли войдете в глубоку студню, где лучы солнця не разят вашых очей, вы увидите на небі звізды серед ясного дня.

Стародавны пастухы и звіздаре, коли слідили за ходом звізд, вірили, што звізды блудят без всякого порядку по небесном своді. Но учены астрономы, при помочи аппаратов и другых спостережений утвердили, што всі звізды сут планетами и они не блудят єдны помеже другых, а подлягают строгому закону вселенной и робят свои обороты вокруг своих солнц регулярно, неопізняючися ани на секунду.

Штобы легче поздавати планеты, учены поділили их на отдільны группы. Першы планеты, котры сут найближе до солнця, то перша группа, а єст их четырі. По порядку близости от солнця они идут так: Меркурий, Венера, Земля и Марс. Друга группа, котра кружит довкола солнця в далылом росстоянию єст Юпитер, Сатурн, Уран и Нептун. Ище в дальшом росстоянию такых небесных тіл єст безчисленне множество, котры належат до орбиты нашого солнця.

Місяц, котрый мы так близко видиме, не єст планетом, он єст спутником нашой земли. А треба знати, што барже вшиткы планеты мают своих спутников, и то не по єдному, як має наша Земля, а по больше, як приміром, Юпитер має их аж 12, а може и веце. Всі тоты планеты, котры мы видиме, яко звізды, належат до нашого сусідства, и они кружат доокола нашого солнца, котре стоит на єдном місци. Но поза нашым сусідством во всі стороны сут другы, о много раз большы солнця и они мают в своих сусідствах свои планеты, котры кружат коло них.

О том, якы они великы, и як то всьо далеко, людскому розуму трудно поняти, и обняти своим выображением тото величие пространств и их далекость.




[BACK]