Рисує Никифор — Рисуют Никифора
Никифор Дровняк
Никифор Дровняк,
лемковский артист.

В часі, коли уж наш Календарь Лемко Союза на 1960 рок ишол до друку, наша редакция посредственно через Николая Дошну в Бруклині получила нову фотографию лемковского артисты Никифора Дровняка и перший раз оригинальный малюнок його робота в кольорах. Мы виділи уж срткы його малюнков, взятых на фотографию и в кольорах в репродукции, но образа, на котром он рисувал своима фарбами, часто роспущенньши слином, мы ище не мали. То перший образ, котрый остане в архиві нашой редакции як дорога памятка.

На свойом малюнку Никифор намалювал лемковску церковь в Крыници. Мы наново поміщаме вид крыницкой церкви, як она взята фотографичным аппаратом и дали зробити фотографию с малюнка Никифора. На правдивой фотографии видно лем передову часть церкви. Но Никифор то не бездушный аппарат, он знає, што то нечестно показати лем часть такой святині, як лемковска церковь в Крыници. Он умалил высокы дерева так, абы зрителю показати ціле тіло громадной будовы, яком єст Лемковска Церковь в Крыници. А того жаден аппарат не в стані был бы приняти и умістити в єдном образі.

Послі свойой хвороты, котра мучила го и про котру мусіл стояти за час в Кракові в шпыталю, як доносят с краю, он вернул наново до свого занятия, и вытревало, як и перше, не уважаючи, што його слава йде світами, дальше росне в свойой популярности.

“В Парижі называют малярство лемковского Никифора гениальным”, под такым заглавием пише свою корреспонденцию в варшавском “Нашом Слові” Д. Копач, літом минувшого року. В статьи он пише так:

“О малярю с Крыниці Никифорі уж писали в наш ой газеті, описувал маляря Никифора профессор Лев Гец, писал о нім Гриц Пецух. На весні того року лемковский маляр Никифор тяжко хворіл.

Кілька тыждней перебывал он в Кракові в шпытали, але пару раз хотіл зо шпыталя утечы, бо цнулося му за людми, за любом Крыницьом.

Показуют Никифора в Крыниці фильмовой, як выіхал с Кракова и вертат потягом до Крыниці. Ту чуєся он найліпше. Ту рн ся уродил, ту рос, ту был нераз голоден, ту ціле своє житья малює улюблены горы, лісы, домы, церкви, малює с пребогатой фантазии, котру видно в його образках наивного малярства.

Але ци вшиткы розуміют маляря Никифора, його творчество, ци нашол он належиту оцінку його творов? Пару дней тому оцінено малярство Никифора на выставці в Парижі. О Никифорі пише редактор Гродзицкий в “Жицю Варшавы”.

“Напримір, в малярстві, хоц Париж єст малярством насыченый в такой сколькости, як и о высокой вартости, то мимо того Никифор має што показати. Недавно кончилася выставка Т. Кантора, котру похвалено, а уж в “Галлереи Верны” можна было оглянути парудесят образов Никифора.

Рецензант парижского тыждневика “Експресе” неуменьшил назвати Никифора гениальным и узнал його выставку за велике выдарение того рочного сезона в світовой столици малярства.

Шкода лем, же сам Никифор нич не зна, же його малярство так высоко оціняют за границями краю, бо сам он частично глухонімый и анальфабет (неграмотный). Але факт фактом, што лемковский Никифор войде в историю світового малярства.


—————o—————



[BACK]