Лемковска Колысанка
Уж єм любил штырі,
Ище мня не били,
Як полюблю пяту —
Буду мал заплату.
Як полюблю шесту,
Піду до гарешту;
Як полюблю сему —
Возму єй за жену.
Жено моя, жено,
Я уж подъученый,
Бо уж мя кобіты
Навчили любити.

—————o—————

Теперь з мене газда
До люди, до Бога,
Бо-м десять літ топтал
До дівок порогы.
Яре жито, яре,
Озиме колося,
Паробок парадный,
А сиве волося.
Вышовадский паробок —
Велика парада,
Вороняче перко
За калап закладат.
Долина, долина,
Верхом яворина.
Повіч мі, паробче,
Што-м ти учинила.
Ты мі не вчинила,
А лем твоя мати,
Теперь мушу другу
Си дівку глядати.



[BACK]